كولىك ءمينيسترى ەلىمىزدەگى ەڭ ناشار جولدى كولىكپەن ءجۇرىپ ءوتتى

استانا. قازاقپارات - مارات قارابايەۆ جۇمىس ساپارىمەن اقتوبە وڭىرىنە بارىپ، ەلىمىزدەگى ەڭ ناشار جولداردىڭ قاتارىنا جاتاتىن «اقتوبە- حرومتاۋ- قارابۇتاق» تاس جولىن كولىكپەن ءجۇرىپ ءوتتى، دەپ حابارلايدى baq.kz.

بۇل جولدىڭ قازىرگى جاعدايى قاناعاتتانارلىقسىز. الايدا جولدىڭ ءبىر بولىگىندە قايتا قۇرۋ جۇمىستارى باستالدى. اقتوبە مەن حرومتاۋ اراسىنداعى 30 شاقىرىمدىق جول ۋچاسكەسىن Sine Midas Stroy مەردىگەرى سالىپ جاتىر. جول تولىعىمەن قايتا جاڭارتۋ جۇمىستارىمەن قامتىلعانشا ەڭ ناشار دەپ تانىلعان 66 شاقىرىمدىق جول بولىگىن اعىمداعى جوندەۋ جۇمىستارىمەن قامتۋدامىز. قازىر ونىڭ 36 شاقىرىمى جوندەلدى، - دەدى مارات قارابايەۆ.

قايتا قۇرۋ جۇمىستارى كەلەسى جىلى باستالادى.

قازىرگى ۋاقىتتا اقتوبە اۋىلى مەن اقجار اۋىلىنىڭ اراسى، پروستورنىي اۋىلى مەن حرومتاۋ قالاسىنىڭ اراسى، قۇدىقساي مەن بوگەتساي اۋىلدارى اراسى جانە دە بوگەتساي جانە قارلاۋ اۋىلدارى اراسى قالىپقا كەلتىرىلدى.