اقمولا وبلىسىندا ەكى ۇشاقتىڭ اپاتى: اۋە كولىگى يەلەرىنىڭ جۇمىسى توقتاتىلدى
13:42, 19 - تامىز 2025
استانا. KAZINFORM - كولىك ءمينيسترى نۇرلان ساۋرانبايەۆ استانا ماڭىندا بيىل جازدا بولعان ەكى ۇشاق اپاتىن تەرگەۋ جۇمىستارىنا قاتىستى پىكىر ايتتى.
ول ۇشاق اپاتىنىڭ ءاربىر وقيعاسى ءبىر جىل ىشىندە تەكسەرىلەتىنىن ەسكە سالدى.
- دەگەنمەن، ازاماتتىق اۆياتسيا كوميتەتى اۆياتسيا اكىمشىلىگىمەن بىرلەسىپ تەكسەرۋ جۇرگىزۋ تۋرالى جانە تەرگەۋ مەرزىمىندە وسىعان قاتىستى ۇشاق يەلەرىنىڭ قىزمەتىن ۋاقىتشا توقتاتۋ تۋرالى شەشىم قابىلدادى، - دەدى نۇرلان ساۋرانبايەۆ ۇكىمەت وتىرىسىنان كەيىنگى باسپا ءسوز ءماسليحاتىندا.
ەسكە سالساق، بيىل ماۋسىم ايىندا اقمولا وبلىسىندا جەڭىل موتورلى ۇشاق اپاتقا ۇشىراپ، ەكى ادام مەرت بولعان ەدى.
ال تامىز ايىندا اقمولا وبلىسىندا تاعى ءبىر جەكە ۇشاق اپاتقا ۇشىراپ، ەكى ادام قازا تاپتى.