بيىل 20-ساۋىردە ارنايى پروكۋرورلار اۆتوموبيل گاز قۇيۋ ستانسياسىنىڭ ديرەكتورىن، سونداي-اق گاز باللونداردى جەتكىزۋشىنى ۇستادى. وبلىستىق پروكۋراتۋرا مالىمەتىنشە، ولار باللونداردى تولتىرۋ جانە جەتكىزۋ بويىنشا قىزمەتتەر كورسەتۋ كەزىندە زاڭناما تالاپتارىن بۇزدى دەگەن كۇدىككە ءىلىنىپ وتىر.
كۇدىكتىلەردىڭ ارەكەتتەرى قازاقستان رەسپۋبليكاسى قىلمىستىق كودەكسىنىڭ 306- بابىنىڭ 3-بولىگى بويىنشا (ابايسىزدا ەكىدەن كوپ ادامنىڭ اۋىر زارداپتارى مەن ولىمىنە اكەپ سوققان، تۇتىنۋشىلاردىڭ ءومىرى مەن دەنساۋلىعى قاۋىپسىزدىگىنىڭ تالاپتارىنا ساي كەلمەيتىن قىزمەتتەر كورسەتۋ) سارالاندى. اتالعان باپ سانكسياسى 8 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى.
كۇدىكتىلەردىڭ بىرىنە قاتىستى سوتتىڭ سانكسياسىمەن قاماۋدا ۇستاۋ تۇرىندەگى بۇلتارتپاۋ شاراسى، ەكىنشىسىنە- ءۇي قاماعى تاڭدالدى.
سوتقا دەيىنگى تەرگەۋ جالعاسىپ جاتىر. ءىس بويىنشا تۇپكىلىكتى شەشىمدى سوت قابىلدايدى.
ق پ ك 201-بابىنا سايكەس وزگە دە ءمان-جايلار جاريا ەتۋگە جاتپايدى.
ايتا كەتەيىك، شۋچەدەگى «پالاۋ ورتالىعىندا» ورتتەن قازا تاپقاندار سانى 12 ادامعا جەتتى.
اقمولا وبلىسىندا «پالاۋ ورتالىعى» كافەسىنىڭ يەسى ۇستالدى.