اقمولا وبلىسىندا جول اپاتىنان 5 ادام كوز جۇمدى

 كوكشەتاۋ. KAZINFORM - اقمولا وبلىسىندا «ەكاتەرينبور- الماتى» تاسجولىندا جول اپاتى بولىپ، 5 ادام قازا تاپتى.

اقمولا وبلىسى پ د باسپا ءسوز قىزمەتىنىڭ مالىمەتىنشە، جول اپاتى 28-ساۋىردە ساعات 23.51 شاماسىندا استراحان اۋدانى جالتىر اۋىلىنىڭ ماڭىندا، ياعني «ەكاتەرينبور- الماتى» اۆتوجولىنىڭ 1099-شاقىرىمىندا بولعان.

انىقتالعانداي، جارقايىڭ اۋدانىنىڭ 29 جاستاعى تۇرعىنى باسقارعان «Mercedes-Benz E200» اۆتوكولىگىمەن جاقسى اۋىلىنان استانا باعىتىندا شىققان «ۆاز-2107» ماشيناسىنا سوقتىعىسقان.

«اپات سالدارىنان وقيعا ورنىندا بەس ادام قازا تاۋىپ، ەكى ادام ءتۇرلى دارەجەدەگى دەنە جاراقاتىن الدى. وسى دەرەك بويىنشا ق ر ق ك 345-بابى 4-بولىگى بويىنشا بويىنشا ءىس قوزعالىپ، سوتقا دەيىنگى تەرگەۋ امالدارى قولعا الىندى»، - دەدى ۆەدومستۆودان.

ەسكە سالايىق، بۇدان بۇرىن «ەكاتەرينبور- الماتى» جولىندا جايىلعان جىلقىلار جول اپاتىنا سەبەپشى بولعان ەدى.