استانا. KAZINFORM - اقمولا وبلىسىنىڭ جارقايىڭ اۋدانىندا قارلى بوران سالدارىنان جولدا قالىپ قويعان 6 ادامعا توتەنشە جاعدايلار مينيسترلىگىنىڭ قىزمەتكەرلەرى كومەك كورسەتتى.
ت ج م مالىمەتىنشە، جەڭىل اۆتوكولىك جولاۋشىلارىمەن بىرگە قوستاناي وبلىسىنىڭ شەكاراسىنان دەرجاۆينسك قالاسى باعىتىندا كەلە جاتىپ، جولدان شىعىپ كەتكەن. سونىڭ سالدارىنان كولىكتەگى ازاماتتار باعىتىنان اداسىپ، قوزعالىستى ءوز بەتىنشە جالعاستىرا الماعان.
وقيعا ورنىنا جەدەل جەتكەن قۇتقارۋشىلار التى ادامدى قاۋىپسىز جەرگە ەۆاكۋاتسيالاپ، ولاردى جىلىتۋ پۋنكتىنە ورنالاستىردى. زارداپ شەككەندەر جوق.
توتەنشە جاعدايلار مينيسترلىگى قىسقى كەزەڭدە الىس جولعا شىعار الدىندا اۋا رايى بولجامىن مۇقيات قاداعالاپ، جولداعى قاۋىپسىزدىك تالاپتارىن ساقتاۋعا جانە قولايسىز مەتەوجاعدايلاردى ەسكەرۋگە شاقىردى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан