اقمولا وبلىسىندا 42 جاستاعى ايەل ەكى كىشكەنتاي بالاسىمەن جوعالىپ كەتتى
اقمولا وبلىسىندا ەكى كىشكەنتاي بالاسىمەن بىرگە ءىز- ءتۇزسىز جوعالعان 42 جاستاعى ايەل ىزدەستىرىلىپ جاتىر، دەپ حابارلايدى Kazinform.
وبلىستىق پ د باسپا ءسوز قىزمەتىنىڭ مالىمەتىنشە، 21-جەلتوقساندا ساعات 23:52 شاماسىندا ستەپنوگور قالالىق پوليتسيا باسقارماسىنىڭ بەستوبە كەنتىندەگى پوليتسيا بولىمىنە جەرگىلىكتى تۇرعىن حابارلاسىپ، 1981 -جىلعى اناسى نۋرەتدينوۆا الفيا سايفۋتدين قىزىن جانە ونىڭ 2022 جانە 2023 -جىلى تۋعان ەكى كىشكەنتاي بالاسىن ىزدەۋگە كومەك سۇراعان.
قىزىنىڭ سوزىنشە، اناسى مەن ەكى ءسىڭىلىسى سول كۇنى تانىسىنىڭ ۇيىنەن شىققان. الايدا ۇيىنە كەلمەگەن جانە بايلانىسقا دا شىقپاعان.
- قازىرگى ۋاقىتتا بەستوبە پوليتسيا ءبولىمىنىڭ جانە قالالىق پوليتسيا باسقارماسىنىڭ جەكە قۇرامى جوعالعان ادامداردى ىزدەستىرىپ جاتىر. سونىمەن بىرگە ىزدەۋ جۇمىستارىنا ەرىكتىلەر دە قوسىلىپ، باعىت باعدار الەۋمەتتىك جەلىلەر مەن مەسسەندجەرلەرگە تاراتىلۋدا، - دەدى ۆەدومستۆودان.
جوعالعان ايەل ۇستىنە قارا كوك كۋرتكا، كۇرەڭ قىزىل ءتۇستى شالبار، اق ءتۇستى ەتىك كيگەن.
ءتارتىپ ساقشىلارى جوعالعان ادامنىڭ ورنالاسقان جەرى تۋرالى قانداي دا ءبىر اقپاراتى بار جاندار بولسا دەرەۋ پوليتسياعا حابارلاۋدى سۇرايدى.
ايتا كەتسەك، بۇعان دەيىن اقمولا وبلىسىندا پسيحياتريالىق اۋرۋحانادان قاشقان ناۋقاس تابىلعانىن جازعان ەدىك.