اقشانى جىلىستاتۋعا قارسى جۇيە ماماندارى ارنايى دايىندىقتان وتەدى
22:43, 05 - قاراشا 2024
استانا. قازاقپارات- الماتىدا اقشانى جىلىستاتۋعا قارسى جۇيە ماماندارىن دايىنداۋ سەمينارى باستالدى. بۇل تۋرالى قارجى مونيتورينگ اگەنتتىگىنىڭ باسپا ءسوز قىزمەتى حابارلادى.
قىلمىستىق جولمەن الىنعان كىرىستەردى زاڭداستىرۋعا جانە تەرروريزمدى قارجىلاندىرۋعا قارسى كۇرەس جونىندەگى ەۋرازيالىق توپقا مۇشە مەملەكەتتەردىڭ باعالاۋشىلارى ارنايى دايىندىقتان وتەدى. شاراعا بەلارۋس، ءۇندىستان، قىرعىزستان، رەسەي، تاجىكستان، وزبەكستان سىندى ەلدەردىڭ 50-گە جۋىق وكىل، سونداي-اق ازەربايجان مەن سەربيا ساراپشىلارى قاتىسىپ جاتىر. ولار اپتا بويى ءوزارا باعالاۋ جۇرگىزۋدىڭ نەگىزگى كريتەرييلەرىن ساراپقا سالادى.