اقشا ۇنەمدەۋدىڭ 8 ءتاسىلى

استانا. قازاقپارات - اقشاسى بار ادامنىڭ مۇمكىندىكتەرى دە مول. ءبىراق اقشامىزدىڭ كوپتىگىنە قاراماستان، ونى دۇرىس ارناعا جۇمسامايتىن كەزىمىز دە ءجيى كەزدەسەدى.

ولاي بولسا اقشا ۇنەمدەۋگە كومەكتەسەتىن كەڭەستەرىمىزدى وقىپ كورىڭىز.

1. مەن اسىقپاي جازىپ وتىرمىن!

اي سايىن چەكتەردى ساقتاپ، اقشاڭىزدى نە نارسەگە جۇمساعانىڭىزدى جازىپ وتىرىڭىز. ارتىنشا قانشالىقتى قاجەتسىز زات العانىڭىزدى بىلەسىز.

2. دۇكەندە جاقسى، ال ۇيدە ودان دا جاقسى!

دۇكەندەرگە كوپ بارماڭىز. اسىرەسە، جولدا بىرەۋدى كۇتىپ تۇرعان كەزدە كىرەتىن جاندار ءۇشىن ايتىلادى. سۋپەرماركەتتەرگە تەك وتە قاجەت زاتتى ساتىپ الۋ ءۇشىن كىرىڭىز. مۇمكىندىگىنشە قاجەت زاتىڭىزدى العان سوڭ، بىردەن شىعىپ كەتۋگە تىرىسىڭىز.

3. مەنىڭ ءۇيىم - مەنىڭ اقشا ساقتايتىن جەرىم

اقشاڭىزدى ۇيگە قالدىرىپ، تەك وقىس جاعدايدا كەرەك بولىپ قالار دەگەن قاراجاتتى (مىسالى، اۆتوبۋس توقتاپ قالعان جاعدايدا تاكسيگە تولەيتىن اقشا) بىرگە الا شىعىڭىز. قالتاڭىزدا جوق اقشانى جۇمساي المايتىنىڭىز انىق. كەلەسى كەڭەسىمىز وسى جەردەن شىعادى.

4. تيىننىڭ دىبىسى قۇلاققا جاعىمدى ەستىلەدى

پلاستيكالىق كارتالاردىڭ ورنىنا قاعاز اقشانى پايدالانىڭىز. «پلاستيك» كارتالاردى تەك قولايلىلىق ءۇشىن ەمەس، اقشامەن وڭاي قوش ايتىسۋ ءۇشىن دە ويلاپ تاپقان. عالىمدار، ادامداردىڭ دەرەكسىز زاتتارمەن تەز قوشتاساتىندىعىن ايتادى. مۇنىمەن قاتار ول جەردەگى اقشانىڭ قالاي جۇمسالىپ جاتقانىن ناقتى بىلمەيسىز.

5. زالدىڭ كومەگى نەمەسە دوسىما حابارلاسامىن

ساۋدا جاساۋعا جالعىز بارماي، جانىڭىزعا دوسىڭىزدى دا ەرتە بارىڭىز. بۇل دوستارىڭىزدىڭ سىزگە قاراعاندا ۇستامدىراق بولعانى ابزال. ساۋدا ۇيىندە دوستارعا قاراعاندا، وتباسىلى جاندار اقشانى كوپ جۇمسايدى ەكەن. جارناما سۋرەتتەرىندە باقىتتى وتباسى كوپ بولۋ سەبەبىن تۇسىنگەن بولارسىز.

6. ارزان زاتتار ساتىپ الۋ ءۇشىن تىم بايمىن

ءساندى كيىمدەرگە قۇمار ادامدارعا قاراعاندا، «قاراپايىم كيىم ساتىپ الۋ ءۇشىن تىم بايمىن» دەيتىن جاندار از اقشا قۇرتادى ەكەن. سول سەبەپتى تەك باعالى زاتتاردى الۋعا تىرىسىڭىز.

7. بوس ورىندى تولتىرۋ

جوسپارلاماعان زات ساتىپ الساڭىز، ونىڭ ورنىن مىندەتتى تۇردە تولتىرىڭىز. ياعني كەلەسى جولى ءدال سونداي اقشانى ۇنەمدەڭىز. نەمەسە ءبىر اي بويى كوپ اقشا قۇرتپاعان بولساڭىز، ايدىڭ سوڭىندا وزىڭىزگە سىيلىق جاساڭىز. مۇنىڭ قايسىسىن تاڭدايتىنىڭىز ءوز ەركىڭىزدە.

8. جاقىندا ورالمايمىن

قوسىمشا جۇمىس تابىڭىز نەمەسە تاعى دا ءبىر ج و و-دان ءبىلىم الىڭىز. بوس ۋاقىتىڭىز بولمايتىنداي جاعداي جاساڭىز. ادەتتە ادام اقشانى بوس ۋاقىتىندا قۇرتادى. ارينە قوسىمشا ءبىلىم مەن حوببيگە دە اقشا قاجەت بولۋى مۇمكىن، ءبىراق ونى بولاشاققا سالعان قاراجاتىم دەپ بىلىڭىز.

دايىنداعان: قارلىعا بۇيەنباي

massaget.kz