اقپارات اگەنتتىكتەرىنىڭ كاسپي اليانسى قۇرىلادى
ماسكەۋ. KAZINFORM - بۇگىن ماسكەۋدە كاسپي ايماعى ەلدەرىنىڭ اقپارات اگەنتتىكتەرى وكىلدەرىنىڭ كەزدەسۋى ءوتتى.
وتىرىسقا ازەرتادج اقپارات اگەنتتىگىنىڭ (ازەربايجان رەسپۋبليكاسى)، يرنا اقپارات اگەنتتىگىنىڭ (يران يسلام رەسپۋبليكاسى)، قازاقستان رەسپۋبليكاسى پرەزيدەنتى تەلەراديوكەشەنىنىڭ، تاسس اقپارات اگەنتتىگىنىڭ (رەسەي فەدەراتسياسى) جانە ت د ح اقپارات اگەنتتىگىنىڭ (تۇرىكمەنستان) وكىلدەرى قاتىستى.
قاتىسۋشىلار كاسپي ماڭىنىڭ جەتەكشى ب ا ق- تارى اراسىنداعى كوپجاقتى اقپاراتتىق ىنتىماقتاستىقتى نىعايتۋدىڭ ماڭىزىن تۇسىنە وتىرىپ، اقپارات اگەنتتىكتەرىنىڭ كاسپي اليانسىن قۇرۋدىڭ ورىندىلىعى تۋرالى قورىتىندىعا كەلدى.
قاتىسۋشىلار جۇمىس تارتىبىمەن اليانس ەرەجەسىن ازىرلەۋ، كەلەسى وتىرىستى وتكىزۋ ۋاقىتى مەن ورنىن انىقتاۋ، سونداي-اق اليانس اياسىنداعى اقپاراتتىق ىنتىماقتاستىق فورماتىن ازىرلەۋ بويىنشا كونسۋلتاتسيالار وتكىزۋگە ۋاعدالاستى.