ءۇشجاقتى كەلىسسوزدەردىڭ نەگىزگى تاقىرىپتارى يادرولىق قارۋدى قىسقارتۋ جانە يرانعا قاتىستى جاعداي بولادى. دەگەنمەن، ۆاشينگتون ءالى كەلىسىمگە قول جەتكىزىلەتىنىن كۇتپەيدى. بۇل تۋرالى Anadolu جازدى.
اق ءۇيدىڭ باسپا ءسوز حاتشىسىنىڭ كومەكشىسى وليۆيا ۋەيلس ۆلاديمير پۋتين جانە شي جنپيڭمەن كەزدەسۋ وتەتىنىن مالىمدەدى.
ونىڭ ايتۋىنشا، كەلىسسوزدەر شەنچجەندە وتەتىن ازيا-تىنىق مۇحيتى ەكونوميكالىق ىنتىماقتاستىعى سامميتى اياسىندا وتەدى.
نەگىزگى ماسەلەلەردىڭ ءبىرى يادرولىق ارسەنالداردى قىسقارتۋ بولماق. ا ق ش اكىمشىلىگى دونالد ترامپ يادرولىق قارۋدىڭ تارالۋى حالىقارالىق قاۋىپسىزدىككە تونەتىن ەلەۋلى قاتەر دەپ سانايتىنىن جەتكىزدى.
دەگەنمەن، ا ق ش-تىڭ جوعارى لاۋازىمدى شەنەۋنىگى ۆاشينگتون كەزدەسۋ ناتيجەسىندە ناقتى كەلىسىمدەرگە قول جەتكىزىلەدى دەپ كۇتپەيتىنىن ەسكەرتتى.
اق ءۇي الداعى كەلىسسوزدەردى، ەڭ الدىمەن، ءۇش ەل كوشباسشىلارىنىڭ قارۋلانۋدى باقىلاۋ ماسەلەلەرى بويىنشا ديالوگىنىڭ باستاماسى رەتىندە قاراستىرادى.
يرانعا قاتىستى جاعداي دا تالقىلاناتىن تاقىرىپ بولادى. ال ءۇشجاقتى كەزدەسۋ بارىسىندا ۋكرايناداعى قاقتىعىستى تالقىلاۋ، ا ق ش شەنەۋنىگىنىڭ ايتۋىنشا، جوسپارلانباعان. ۆاشينگتون ۋكراينا ماسەلەسىن قىتاي قاتىسپايتىن ا ق ش - رەسەي كەلىسسوزى بارىسىندا تالقىعا سالماق.
ترامپ پەن شي جنپيڭ بولەك كەزدەسۋى
ءۇشجاقتى كەلىسسوزدەردەن تىس، ا ق ش پرەزيدەنتى 19-قاراشادا ق ح ر توراعاسىمەن ەكىجاقتى كەزدەسۋ وتكىزەدى، سونداي- اق جۇمىس تۇسكى اسىنا شاقىرىلعان. تاراپتار بۇرىن قول جەتكىزىلگەن ساۋدا كەلىسىمدەرىنىڭ ورىندالۋىن تالقىلاماق.
ا ق ش شەنەۋنىگىنىڭ ايتۋىنشا، ۆاشينگتون كەدەندىك باجداردى وزگەرتۋ بويىنشا جاڭا شەشىمدەر كۇتپەيدى.
ونىڭ ورنىنا ا ق ش سيرەك كەزدەسەتىن مەتالداردى جەتكىزۋ ماسەلەسىن كوتەرۋدى كوزدەپ وتىر. اق ءۇي قىتاي ا ق ش- قا قاجەتتى كولەمدى جەتكىزبەي وتىر دەپ سانايدى.
دونالد ترامپتىڭ ازياعا ساپارى 16-قاراشادا باستالادى. امەريكا كوشباسشىسى الدىمەن فيليپپين استاناسى مانيلاعا بارىپ، وندا حالىقارالىق كەزدەسۋلەرگە قاتىسادى، سودان كەيىن قىتايعا بارادى.
بۇعان دەيىن ا ق ش پەن يران اراسىنداعى كەلىسسوزدەرگە ارااعايىن بولعان قاتار قاقتىعىستى رەتتەۋ جونىندەگى ديپلوماتيالىق ارەكەتتەردە ىلگەرىلەۋشىلىك بارىن مالىمدەگەن.
رەسەي مەن ۋكراينا ابۋ-دابيدەگى كەلىسسوزدەن كەيىن تۇتقىن الماسۋعا كەلىستى.
سودان كەيىن كرەملدە رەسەي پرەزيدەنتى ۆلاديمير پۋتين ا ق ش پرەزيدەنتىنىڭ ارنايى وكىلى ستيۆەن ۋيتكوففپەن جانە كاسىپكەر دجارەد كۋشنەرمەن كەزدەسىپ، تاراپتار ابۋ-دابيدە وتكەن رەسەي، ا ق ش جانە ۋكراينا اراسىنداعى ءۇشجاقتى كەلىسسوزدەردىڭ قورىتىندىلارىن، گۋمانيتارلىق ماسەلەلەردى، اۋماقتىق رەتتەۋدى جانە الداعى ديالوگتىڭ بولاشاعىن تالقىلعان.