شينحۋا اگەنتتىگىنىڭ جازۋىنشا، حاربين قىسقى ازيا ويىندارى قىتاي سپورت دەلەگاتسياسىنىڭ قۇرامىندا 257 ادام بار، ونىڭ ىشىندە 170 سپورتشى (85 ەر جانە 85 ايەل).
ولاردىڭ قاتارىندا 6 وليمپيادا چەمپيونى بار. 147 سپورتشى قىسقى ازيا ويىندارىنا العاش رەت قاتىسىپ وتىر. سونداي-اق، بۇعان دەيىن 23 سپورتشى قىسقى ازيا ويىندارىنا، ال 48 سپورتشى بەيجىڭ قىسقى وليمپيادا ويىندارىنا قاتىسقان.
قىتاي قۇراماسىنىڭ ساپىندا ۇلتى قازاق 4 سپورتشى IX قىسقى ازيا ويىندارىنا قاتىسادى. ولار: اقنار اداق قىزى (كونكيمەن جۇگىرۋ)، قاناعات مۇحامەد ۇلى (كونكيمەن جۇگىرۋ)، بايان جالىن قىزى (شاڭعى) جانە سامعار سەرىك ۇلى (شاڭعى).
ەسكە سالساق، IX قىسقى ازيا ويىندارى 2025 -جىلدىڭ 7-14 -اقپانى ارالىعىندا قىتاي حالىق رەسپۋبليكاسى حيلۇڭجياڭ پروۆينسياسىنىڭ حاربين قالاسىندا وتەدى. سپورتشىلار 11 سپورت ءتۇرى بويىنشا 64 مەدال جيىنتىعىن ساراپقا سالادى.
ق ر تۋريزم جانە سپورت مينيسترلىگىنىڭ حابارلاۋىنشا، قازاقستاننان 139 سپورتشى ەل نامىسىن قورعايدى.
اۆتور
مۇحتار قاليموللا ۇلى