پاڭنىڭ كىسە بەلدىگى
ارقا ءوڭىرى نۇرماعامبەت ساعىناي ۇلىن (پاڭ نۇرماعامبەت) جاقسى بىلەدى. زامانىندا «جارتى پاتشا» اتانىپ، سوزعان قولى پەتەربورعا دەيىن جەتكەن ادام. اسىرەسە 1886 -جىلى اكەسى ساعىناي ەس ۇلىنا اس بەرىپ، وسى ءدۇبىرلى جيىندا اتاقتى قۇلاگەر تۇلپار مەرت بولعانى تاعى بار.
كەشە پاڭنىڭ ۇرپاعى، بەلگىلى كاسىپكەر مارات ءنابي وتباسىلىق مۇراسىنان اتاسى نۇرماعامبەت ساعىناي ۇلىنان قالعان كىسە بەلدىكتى ۇلتتىق مۋزەي قورىنا تاپسىردى.
بۇل كىسەنى ەرتەدە ساعىناي ءبي ۇلى نۇرماعامبەتكە ارناپ جاساتقان ەكەن. 1976 -جىلى جازۋشى اسكەن نابيەۆ بەلدىكتىڭ كۇمىس اشەكەيلەرىن ساقتاي وتىرىپ، بىلعارى بولىگىن جاڭارتىپ، قايتا قالپىنا كەلتىرىپتى.
«جادىگەر ⅩⅨ عاسىردىڭ سوڭى مەن ⅩⅩ عاسىردىڭ باسىنا ءتان ساندىك- قولدانبالى ونەر ۇلگىسى بولىپ تابىلاتىن بۇل كىسە بەلدىك - قازاق ەر- ازاماتىنىڭ مارتەبەسى مەن تالعامىن كورسەتەتىن ماڭىزدى بۇيىم» دەيدى مارات اسكەن ۇلى.
قۇندى مۇرانى قابىلداپ العان مۋزەي ديرەكتورى بەرىك ءابدىعالي مۇنداي اسىل دۇنيە ەلىمىزدىڭ تاريحى مەن مادەنيەتىن زەرتتەۋگە ۇلكەن ۇلەس قوساتىنىن اتاپ ءوتىپ، بەلدىك الداعى ۋاقىتتا عىلىمي اينالىمعا ەنگىزىلەتىنىن جانە ارنايى تاقىرىپتىق ەكسپوزيتسيالار ارقىلى كورسەتىلەتىنىن جەتكىزدى.
بەكەن قايرات ۇلى