انتيكور ەكس-پوليتسەيگە ىزدەۋ جاريالادى

استانا. KAZINFORM - سىبايلاس جەمقورلىققا قارسى ءىس-قيمىل اگەنتتىگىنىڭ ۇلىتاۋ وبلىسى بويىنشا دەپارتامەنتى باقىت ەسەنجول ۇلىنا ىزدەۋ جاريالادى.

اگەنتتىك ق ر ق ك-نىڭ 362-بابى 4-بولىگى 3-تارماعىندا كوزدەلگەن اۋىر قىلمىس جاساعانى ءۇشىن قازاقستان رەسپۋبليكاسىنىڭ ازاماتىن ىزدەستىرىپ جاتقانىن حابارلادى.

«باقىت ءادىل ەسەنجول ۇلى، 2000 -جىلى  25 -شىلدەدە تۋعان، قاراعاندى وبلىسىنىڭ تۋماسى (ساتبايەۆ ق. پ ب بۇرىنعى جەدەل ۋاكىلى). بۇلتارتپاۋ شاراسى - «قاماۋدا ۇستاۋ». ىزدەۋ سالىنعان ادام انىقتالعان جاعدايدا نەمەسە ونىڭ بولۋى ىقتيمال ورنى تۋرالى قانداي دا ءبىر اقپارات الىنعان كەزدە، ىزدەستىرۋ باستاماشىسىن سىبايلاس جەمقورلىققا قارسى ءىس-قيمىل اگەنتتىگىنىڭ ۇلىتاۋ وبلىسى بويىنشا دەپارتامەنتىنە (مەكەنجايى جەزقازعان ق.، قۇرمانبايەۆ كوشەسى) حابارلاۋدى سۇرايمىز»، - دەلىنگەن حابارلامادا.

ىزدەۋدە جۇرگەن ادامدى ۇستاۋعا ىقپال ەتەتىن اقپارات بەرگەنى ءۇشىن، سىياقى جانە انونيمدىلىك تۇرعىسىنان كەپىلدىك بەرىلەدى.

اۆتور
ەلميرا ورالبايەۆا