انتيكور حالىقارالىق ىزدەۋدە جۇرگەن قازاقستاندىقتى ىزدەۋگە كومەكتەسكەندەرگە سىياقى بەرمەكشى

استانا. KAZINFORM - سىبايلاس جەمقورلىققا قارسى قىزمەت حالىقارالىق ىزدەۋدە جۇرگەن ق ر ازاماتىن ىزدەستىرىپ جاتىر.

قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى ق ر ق ك- ءنىڭ 366-بابى 4-بولىگىمەن كوزدەلگەن قىلمىس جاساعانى ءۇشىن، حالىقارالىق ىزدەۋدە جۇرگەن ق ر ازاماتى، 1978-جىلى 16-قازاندا تۋعان داۋرەنبەك امانكۋلوۆيچ قوجابايەۆقا ىزدەۋ سالدى.

«ىزدەۋ سالىنعان ادام انىقتالعان جاعدايدا نەمەسە ونىڭ بولۋى ىقتيمال ورنى تۋرالى قانداي دا ءبىر اقپارات الىنعان كەزدە، اگەنتتىككە كەلەسى تەلەفوندار ارقىلى: 1424 - Call-ورتالىققا، 87172909260 (كەزەكشى ءبولىم)، 87019720605، 87759346333، حابارلاۋ قاجەت»، - دەلىنگەن حابارلامادا.

سونىمەن بىرگە ۆەدومستۆو ىزدەۋدە جۇرگەن ادامدى ۇستاۋعا ىقپال ەتەتىن اقپارات بەرگەنى ءۇشىن سىياقى جانە انونيمدىلىك تۇرعىسىنان كەپىلدىك بەرىلەتىنىن حابارلادى.