انتون چەحوۆ. ءبىر بيكەشتىڭ كۇندەلىگىنەن

استانا. قازاقپارات - 13-قازاننان. اقىرى جەتكەندەي، مەنىڭ كوشەمدە مەرەكە! قارايمىن دا، ءوز كوزىمە سەنە الار ەمەسپىن. مەنىڭ تەرەزەمنىڭ الدىندا ۇزىن بويلى، سىمباتتى كەلگەن كوزى تۇپ-تۇنىق قارا كىسى ءجۇر.

ساقال-مۇرتى - كەرەمەت! وسىمەن بەسىنشى كۇن بولدى جۇرگەنىنە، تاڭنىڭ اتىسىنا كەشكە دەيىن كەتەر ەمەس. بارلىعىنىڭ كوزى ءبىزدىڭ تەرەزەدە. كورمەي وتىرعان سىڭاي تانىتامىن.

15-قازاننان. بۇگىن تاڭنان بەرى جاۋىن قۇيىپ تۇر، ال ول بايعۇس ءالى ءجۇر. سىيلىق رەتىندە وعان كوز تاستاپ، دەممەن ءسۇيىس جولداپ قويدىم. ەرىكسىز تاڭىرقاتاتىن كۇلكىسىمەن جاۋاپ قاتتى دەرسىز.

كىم ول؟ ۆاريا اپكەمنىڭ ايتۋىنشا، ول وزىنە عاشىق جان جانە سول ءۇشىن جاۋىن استىندا مالمانداي سۋ بولۋدا دەپ سەندىرەدى. دامىماي قالعان-دى! قارا كىسىنىڭ... جاقسى كورۋى مۇمكىن بە؟ شەشەمىز بىزگە جاقسى كيىنىپ، تەرەزە الدىندا وتىرۋىمىزدى تاپسىردى. «مۇمكىن ول الدامشىلاردىڭ (جۋليك) ءبىرى بولار، مۇمكىن ول ءتارتىپتى مىرزا بولار»، - دەدى ءبىر سوزىندە. الدامشى... اقىماقسىز ءسىز، شەشە!

16-قازاننان. ۆاريانىڭ ايتۋىنشا، مەن ونىڭ ءومىرىن تاۋىسىپ ءجۇر ەكەنمىن. ول ونى ەمەس، مەنى سۇيگەنى ءۇشىن كىنالى ەكەنمىن! بايقاۋسىزدا ەسىك الدىنا قاعاز ءتۇسىرىپ العان بولدىم. و، جىمىسقى! ءوزىمنىڭ قولىما بورمەن بىلاي دەپ جازىپپىن: «كەيىن». ال سوسىن ءجۇرىپ، ءجۇرىپ بولعان سوڭ، داربازاعا «مەن قارسى ەمەسپىن، تەك كەيىندەۋ» دەپ جازىپ قويدىم. بورمەن جازدىم دا، زاماتتا ءوشىردىم. جۇرەگىمنىڭ الىپ ۇشقانى نە ەكەن؟

17-قازاننان. ۆاريا مەنىڭ كەۋدەمنەن ءبىر قويىپ قالدى. پيعىلى جامان، جەك كورۋشى الدامشى عوي! ... بۇگىن ول قالالىق باسقارۋشىنى توقتاتىپ الىپ، ءبىزدىڭ تەرەزەنى كورسەتە ۇزاق ۋاقىت ءبىر نارسە ايتىپ جاتتى. ءىستى ناسىرعا شاپتىرماقشى! ساتىپ الىپ جاتقان بولار... وزبىرسىڭدار ءارى جاۋىزسىڭدار سەندەر، ەرلەر، ءبىراق، ايلالى قۋسىڭدار ءارى عاجاپسىڭدار!

18-قازاننان. بۇگىن ۇزاق ۋاقىت ءۇي بەتىن كورمەگەن سەرەجا اعامىز ورالدى. تۇندەلەتىپ. توسەككە جاتقانى سول ەدى، قالا باسقارۋشىسىنىڭ شاقىرتۋىنا كەتتى.

19-قاراشادان. سۇمىراي! جەكسۇرىن! سويتسە، ول وسى ون ەكى كۇن بويى بىرەۋدىڭ اقشاسىن جاراتىپ قويىپ، كوزدەن تايىپ تۇرعان سەرەجا اعامىزدى كۇتىپ جۇرۋمەن بولىپتى عوي!

بۇگىن ول داربازاعا كەلىپ جازعان ەكەن: «مەن بوسپىن ءارى مۇمكىنشىلىك بار». وڭباعان... وعان ءتىلىمدى شىعاردىم.

اۋدارعان: فارابي ارىستانبەك

massaget.kz