اناسى مەن باۋىرىن قۇتقاردى: اقمولا وبلىسىندا جاڭا تۋعان نارەستەگە قۇتقارۋشىنىڭ ەسىمى بەرىلدى
08:09, 25 - قاڭتار 2024
كوكشەتاۋ. KAZINFORM - اقمولا وبلىسىنىڭ ەرەيمەنتاۋ اۋدانىندا جاڭا تۋعان نارەستەگە قۇتقارۋشىنىڭ ەسىمى بەرىلدى.
اقمولا وبلىسى ت ج د باسپا ءسوز قىزمەتىنىڭ مالىمەتىنشە، بيىلعى جىلعى قاڭتاردىڭ 10 دا بوراندا ەرەيمەنتاۋ اۋداندىق ت ج ب باستىعى امانگەلدى دوسكەنوۆ بوراندا اداسىپ قالعان جۇكتى ايەل مەن ونىڭ بالاسىن قۇتقارعان.
«قۇتقارىلعان ايەل جاقىندا ماڭدايى تورسىقتاي ۇل بالانى دۇنيەگە اكەلدى. بۇل وتباسىنداعى جەتىنشى بالا، حالقىمىز ءۇشىن جەتى قاسيەتتى سان. سول سەبەپتى، اتا-اناسى قۇتقارۋشىنى پەرزەنتحاناعا شاقىرىپ، ۇلىنا امانگەلدى ەسىمىن بەردى»، - دەدى ۆەدومستۆودان.
ايتا كەتسەك، بۇدان بۇرىن اقمولا وبلىسىندا بوراندا اداسىپ قالعان جۇكتى ايەل مەن بالاسى قۇتقارىلعانىن جازعان ەدىك.