امەريكالىقتار كۇندەلىكتى ومىرلەرىنەن شارشاعان- كامالا حارريس

استانا. قازاقپارات - دەموكرات كامالا حارريس ا ق ش پرەزيدەنتى بولىپ سايلانسا، ورتا تاپقا بارىنشا قولايلى جاعداي جاساۋعا ۋادە بەردى. بۇل تۋرالى ۆيتسە- پرەزيدەنت سولتۇستىك كارولينادا وتكەن داۋىس بەرۋشىلەرمەن كەزدەسۋدە مالىمدەدى.

ايتۋىنشا، ا ق ش- تاعى جۇمىسشى جانە ورتا تاپ ەل ەكونومياكسىنىڭ قوزعالتقىش كۇشى سانالادى. ول ءۇشىن حارريس امەريكاعا تىڭ ينۆەستيتسيا تارتىپ، جاڭا جۇمىس ورىندارىن قۇرۋدى جانە سالىقتى ەداۋىر ازايتۋدى ۇسىندى. وسىلايشا، امەريكالىقتاردىڭ ءومىرىن جەڭىلدەتۋ ءۇشىن ۆيتسە- پرەزيدەنت «مۇمكىندىكتەر ەكونوميكاسىن» قۇرۋدى كوزدەيتىنىن حابارلادى.

كامالا حارريس، ا ق ش ۆيتسە- پرەزيدەنتى:

- «مۇمكىندىكتەر ەكونوميكاسىن» سىزدەردىڭ كومەكتەرىڭىزبەن قۇرا الامىز. ونى قۇرۋدىڭ كىلتى - ورتا تاپتى نىعايتۋ. بۇل وتە ماڭىزدى. سەبەبى كوپتەگەن امەريكالىقتار كۇندەلىكتى ومىرلەرىنەن شارشاعان. قىمباتشىلىق شەگىنە جەتتى. شىعىنداردىڭ ازايار ءتۇرى جوق. پرەزيدەنت رەتىندە مەن ورتا تاپتىڭ ەكونوميكالىق قاۋىپسىزدىگىن، تۇراقتىلىعىن جانە قادىر- قاسيەتىن ارتتىرۋدى قولعا الماقپىن. سونىمەن قاتار بالالارى بار وتباسىلارعا، ولار ءبىر جاسقا تولعانعا دەيىن 6000 دوللار كولەمىندە سالىقتىق جەڭىلدىك بەرەمىن.

24.kz