امەريكالىقتار اعىندى سۋدى تازارتۋ تەحنولوگياسىن ۇسىنادى

استانا. قازاقپارات - قازىر ادامزات سۋدى ۇنەمدەپ ءىشىپ، شىعىندى ازايتاتىن تەحنولوگيالارعا جۇگىنە باستادى. ويتكەنى جەر شارى بويىنشا حالىق سانىندا ءوسىم بولعانىمەن، تىرشىلىك ءنارى تاپشى. سول سەبەپتى بەلگيا بيلىگى ۇنەمدەيتىن كلاستەردى پايدالانا باستادى. ال امەريكا تازارتاتىن تىڭ تەحنولوگيانى ىسكە قوستى.

سۋ ۇنەمدەۋگە قاتىستى الەم ەلدەرىندە تاعى قانداي شارالار قولعا الىنىپ جاتىر؟

بەلگيا بيلىگى سۋ ۇنەمدەۋدىڭ ءتيىمدى ءتاسىلىن ويلاپ تاپتى. ولار ۇتىمدى جوبانى الەمگە المۇرتىمەن ايگىلى ليمبۋرگ پروۆينتسياسىندا ىسكە قوستى. «ەكوترون» دەپ اتالاتىن ينفراقۇرىلىم كليمات وزگەرىسىنىڭ ستيمۋلياتورى سانالادى. كۇمبەزدى كلاستەردە تابيعي جاعدايدىڭ ءبارى قاراستىرىلعان. ءار كۇمبەزدە تەمپەراتۋرا، ىلعالدىلىق، كومىرقىشقىل گازى دەڭگەيى، جارىقتاندىرۋ سياقتى پارامەتردى ءدال باقىلاۋعا بولادى. ول جۇيە سۋ جەتپەسە، تىرشىلىك ءنارىن تولتىرىپ بەرەدى. تىم كوبەيىپ كەتسە، شەكتەيدى. كۇننىڭ ساۋلەسى دە ارناۋلى تەحنولوگيانىڭ ارقاسىندا ءجىتى نازاردا بولادى.

فرانسۋا رينو، حاسسەلت ۋنيۆەرسيتەتىنىڭ پروفەسسورى:

- بۇل سسەناريدى ءبىز كليمات وزگەرىسى جونىندەگى ۇكىمەت ارالىق كوميسسيادان الدىق. 2040 -جىل قىر استىندا تۇر عوي، 20 اق جىل قالدى. ءبىراق قازىردەن ءبىز سول كەزدەگى ىستىق جيىلىگىن بولجاي الامىز. كوپ قۇرعاقشىلىق بولادى.

داشيسيا سۋ رەسۋرستارىن باسقارۋ جوباسى اياقتالۋعا جاقىن

كورشىمىز قىتاي سۋ ۇنەمدەۋ مەن سۋمەن جابدىقتاۋدا 172 ءىرى جوبانى ىسكە قوسقان. شىڭجاڭ-ۇيعىر اۆتونوميالىق اۋدانىنداعى داشيسيا سۋ رەسۋرستارىن باسقارۋ جوباسى اياقتالۋعا جاقىن. قازىر بوگەت قۇرىلىسى ءبىتىپ، سۋ قويماسىن تولتىرۋعا دايىندىق ءجۇرىپ جاتىر. ونىڭ بيىكتىگى 247 مەتر، بۇل شامامەن 80 قاباتتى عيماراتقا تەڭ. الەمدىك ستاندارتقا ساي بەتونمەن قاپتالعان. جوبا تولىق اياقتالعاننان كەيىن جىلىنا 1,8 ميلليارد كۆت تازا ەلەكتر ەنەرگياسىن وندىرەدى. ساراپشىلاردىڭ ايتۋىنشا، جوبا سونداي-اق اۋىل شارۋاشىلىعىن سۋارۋ جۇيەسىندە دە كادەگە جارايدى.

لي يان، داشيسيا سۋ رەسۋرستارىن باسقارۋ جوباسىنىڭ باس ينجەنەرى:

- داشيسيا جوباسى اياقتالعاننان كەيىن ءبىز تاسقىن كەزىندەگى ارتىق سۋدى قويماعا جيناپ، تومەنگى اعىستاعى 540 مىڭداي گەكتار اۋىل شارۋاشىلىعى القابىن سۋارا الامىز.

امەريكالىقتار سۋ ۇنەمدەۋدىڭ تىڭ جوباسىن ىسكە قوستى

امەريكالىق Gradiant ستارتاپ جوباسى سۋدى تۇتىنۋ مەن اعىندى سۋدى تازارتۋ تەحنولوگياسىن ۇسىنادى. يننوۆاتسيا فارماتسيەۆتيكا، جارتىلاي وتكىزگىش، ازىق-تۇلىك سياقتى تىرشىلىك ءنارىن اۋاداي قاجەت ەتەتىن بىرنەشە سالادا قولدانىلادى. ياعني كومپانيا ەرىتكىش، ەرىگەن تۇز جانە ورگانيكالىق زاتتارمەن لاستانعان سۋدى قابىلداپ، سۇيىق قالدىقتاردى جويۋمەن اينالىسادى.

بۇل سۋدى تازارتۋ بويىنشا ا ق ش-تا قولعا الىنعان العاشقى جوبا. كۇن سايىن 1,7 ميلليارد گاللون نەمەسە 48 ميلليون ادام تۇتىناتىن مولشەردەگى سۋدى ۇنەمدەيدى. باستامانى ىسكە قوسۋ ءۇشىن جەرگىلىكتى ينۆەستورلار جاقىندا كومپانيا بيۋدجەتىنە 225 ميلليون دوللار كولەمىندە قارجى قۇيدى.

24.kz