امەريكالىق Wabtec كومپانياسىمەن ءبىرقاتار كەلىسىمگە قول قويىلدى

نيۋ- يورك. KAZINFORM - مەملەكەت باسشىسىنىڭ نيۋ-يورك قالاسىنا رەسمي ساپارى اياسىندا ا ق ش ساۋدا ءمينيسترى گوۆارد ليۋتنيكتىڭ قاتىسۋىمەن امەريكالىق Wabtec كومپانياسىمەن جالپى سوماسى 4,2 ميلليارد دوللار بولاتىن كەلىسىمگە قول قويۋ ءراسىمى ءوتتى. بۇل تۋرالى اقوردانىڭ باسپا ءسوز قىزمەتى حابارلادى.

قۇجاتتا قازاقستانعا تەحنيكالىق تۇرعىدان جەتىلدىرىلگەن 300 لوكوموتيۆ جەتكىزۋ جانە وعان سەرۆيستىك قىزمەت كورسەتۋ قاراستىرىلعان.

كولىك تەحنولوگياسى بويىنشا الەمدەگى كوشباسشى كومپانيا ەلىمىزدىڭ تەمىرجول سالاسىن جاڭعىرتۋ ىسىندە نەگىزگى سەرىكتەستەرىمىزدىڭ ءبىرى سانالادى.

2009-جىلدان بەرى استانادا Wabtec Kazakhstan لوكوموتيۆ قۇراستىرۋ زاۋىتى تابىستى جۇمىس ىستەپ كەلەدى. وسى ارالىقتا كومپانيا وندىرىسكە 230 ميلليون دوللاردان استام ينۆەستيتسيا قۇيدى. كاسىپورىن بۇگىنگە دەيىن «قازاقستان تەمىر جولىنا» جانە ەكسپورتقا ارنالعان 600 دەن استام لوكوموتيۆ قۇراستىردى. ءوندىرىستىڭ لوكاليزاتسيا دەڭگەيى 45 پايىزعا جەتتى.

بىلتىر شىلدە ايىندا Wabtec كومپانياسى ەلىمىزدە يننوۆاتسيالاردى ەنگىزىپ، كادر دايارلاۋعا ۇلەس قوساتىن تەحنولوگيالىق جانە ينجەنەرلىك ورتالىعىن اشتى.

ايتا كەتەلىك نيۋ-يورك قالاسىنا ساپارى بارىسىندا قاسىم-جومارت توقايەۆ دونالد ترامپپەن سويلەسكەن ەدى.