امەريكالىق كومپانيا مىڭنان استام قىزمەتكەرىن قىسقارتىپ، قىتايداعى زەرتتەۋلەرىن توقتاتادى - ب ا ق

استانا. KAZINFORM - امەريكالىق IBM كومپانياسى قىتايداعى عىلىمي-زەرتتەۋ جانە تاجىريبەلىك-كونسترۋكتورلىق جۇمىستارىن توقتاتادى، دەپ حابارلايدى South China Morning Post.

جەرگىلىكتى ب ا ق-تىڭ حابارلاۋىنشا، IBM قىتايداعى China Development Lab جانە China Systems Lab-تى جاۋىپ، بەيجىڭ، شاڭحاي جانە داليان قالالارىنداعى 1000-نان استام قىزمەتكەردى جۇمىستان شىعارادى.

قىتايداعى Jiemian جاڭالىقتار سايتىنىڭ سەنبى كۇنى حابارلاۋىنشا، IBM قىزمەتكەرلەرى دەمالىس كۇندەرى كومپانيانىڭ كورپوراتيۆتىك ىشكى جەلىسىنە كىرۋگە تىيىم سالىنعانىن انىقتادى. قىزمەتكرەلەردىڭ قىتايلىق الەۋمەتتىك جەلىلەرىندەگى جاريالانىمدارعا سايكەس، نيۋ-يورك شتاتىنداعى ارمونكتا ورنالاسقان كومپانيانىڭ شتاب- پاتەرىندە دۇيسەنبى كۇنى تاڭەرتەڭ وتكەن ىشكى جينالىستا جۇمىس ورىندارىن قىسقارتۋ تۋرالى حابارلاندى.

«IBM ءوز تۇتىنۋشىلارىنا ەڭ جاقسى قىزمەت كورسەتۋ ءۇشىن ءوز قىزمەتىن قاجەتىنشە بەيىمدەيدى جانە بۇل وزگەرىستەر ۇلكەن قىتاي ايماعىنداعى تۇتىنۋشىلارعا قولداۋ كورسەتۋ قابىلەتىمىزگە اسەر ەتپەيدى»، - دەپ مالىمدەدى IBM وكىلى Post ەلەكتروندىق حاتىندا قىسقارتۋلار تۋرالى ەگجەي-تەگجەيلى مالىمەت بەرمەي.

IBM قىتايدا جۇمىس ورىندارىن قىسقارتاتىن ترانسۇلتتىق تەحنولوگيالىق كومپانيالاردىڭ بىرىنە اينالدى. بيىلعى جىلى جاپپاي جۇمىستان بوساتۋ قىتايدا تەلەكوممۋنيكاتسيا جابدىقتارىن جاساۋشى Ericsson، ەلەكتر كولىكتەرىن ءوندىرۋشى Tesla، سونداي-اق ەلەكتروندىق كوممەرتسيا الىبى Amazon.com جانە ميكروپروتسەسسور ءوندىرۋشى Intel سياقتى كومپانيالاردا جۇمىس ىستەيتىن قىزمەتكەرلەرگە اسەر ەتتى.

«IBM كومپانياسىنىڭ قىتايداعى ساتىلىمى كەيىنگى جىلدارى تۇراقتى تۇردە تومەندەپ كەلدى، - دەپ»، - جازادى South China Morning Post.

كومپانيانىڭ جىلدىق ەسەبىنە سايكەس، IBM ەلدەگى كىرىسى 2023 -جىلى ازيا- تىنىق مۇحيتى ايماعىنداعى %1,6 وسىممەن سالىستىرعاندا ,6 عا تومەندەدى. سونداي-اق وسى جىلدىڭ العاشقى التى ايىندا قىتايداعى ساتىلىمدار %5 عا تومەندەسە، ازيا- تىنىق مۇحيتى ايماعىنداعى كىرىس %4,4 عا ءوستى، دەلىنگەن IBM ەسەبىندە.

اۆتور
زارينا تۋعانبايەۆا