امەريكادان ورالعان شاۆكات راحمونوۆتى دۇركىرەتىپ قارسى الدى

17- جەلتوقساندا قازاقستاندىق UFC فايتەرى شاۆكات راحمونوۆ (17-0) لاس-ۆەگاستا (نيەۆادا، ا ق ش) UFC 296 تۋرنيرىندە جەڭىسكە جەتكەن ەدى. بۇگىن سپورتشى الماتىعا كەلدى، دەپ حابارلايدى Massaget.kz ءتىلشىسى.

جەڭىسپەن ورالعان سپورتشىنى الماتى حالىقارالىق اۋەجايىندا قالىڭ كوپشىلىك ءسان-سالتاناتپەن كۇتىپ الدى.

ءتىپتى ولاردىڭ اراسىندا قازاقى كيىمدەرىن كيىپ، كۇيمەن، انمەن قارسى العاندار دا بولدى.

Фото: ©Тұрар Қазанғапов

سپورتشىنى كۇتىپ الۋعا بۇقارالىق اقپارات قۇرالدارى وكىلدەرى دە قاتىستى.

ايتا كەتەيىك، شاۆكات راحمونوۆتىڭ قارسىلاسى امەريكالىق ستيۆەن تومپسون (17-7-1) بولدى. لاس-ۆەگاستاعى UFC 296 تۋرنيرىنىڭ باستى كارتاسىنداعى جەكپە-جەك 3 راۋندقا ەسەپتەلگەن ەدى، ءبىراق ول 2-راۋندتا اياقتالدى.

شاۆكات راحمونوۆ ستيۆەن تومپسوندى قىلقىندىرۋ ادىسىمەن ءبىرىنشى بولىپ جەڭگەن فايتەر اتاندى. سپورتشى تاۋەلسىزدىك كۇنى قارساڭىندا مۇنداي جەتىستىككە جەتكەنىنە وراي قازاقستان حالقىنا جىلى لەبىزىن دە ارناعان ەدى.

«اسسالاۋماعالەيكۇم، قازاقستان! مەن وسىنداي جەڭىسكە جەتكەنىمە وتە قۋانىشتىمىن. قازاقستانىمىزدىڭ تاۋەلسىزدىك العان كۇنى. سوندىقتان قۋانىشتىمىن. كىشكەنە قوبالجىپ تۇرمىن. راقمەت ۇلكەن. ارينە، Wonerboy - وتە مىقتى قارسىلاس. مەرزىمىنەن بۇرىن جەڭىسكە جەتكەنىمە قۋانىشتىمىن. ءوزىمدى تيتۋلعا بەلدەسۋگە لايىقتىمىن دەپ ويلايمىن»، - دەگەن ەدى شاۆكات راحمونوۆ جەكپە-جەكتەن كەيىن.

ەسكە سالايىق، بۇعان دەيىن شاۆكات راحمونوۆ UFC رەيتينگىندە ۇزدىك ۇشتىككە ەنگەنى حابارلاندى. شاۆكات بۇعان دەيىن بەسىنشى ورىندا بولعان. وتانداسىمىز جەكسەنبىدە لاس-ۆەگاستاعى جەڭىسىنەن كەيىن 3-ورىندا تۇرعان امەريكالىق كولۆي كوبينگتوندى 2 ساتى تومەن سىرعىتتى.