امەريكادا زاڭسىز ميگرانتتار تۇرمەگە توعىتىلا باستادى

استانا. قازاقپارات - ا ق ش- تان دەپورتاتسيالانعان ميگرانتتار گۋانتانامو تۇرمەسىنە جەتكىزىلىپ جاتىر، دەپ حابارلايدى BBC.

بۇل ا ق ش- تىڭ كۋباداعى اسكەري بازاسىندا ورنالاسقان قاتاڭ تارتىپتەگى تۇزەتۋ مەكەمەسى.

بۇعان دەيىن مۇندا «ءال- كايدا» مۇشەلەرى قاماۋدا وتىرعان. ەندى وندا ارنايى بورتپەن ادام ساۋداسى، ەسىرتكى تاسىمالى جانە باسقا دا قىلمىس جاساعان زاڭسىز ميگرانتتار جەتكىزىلىپ جاتىر.

دونالد ترامپ قىزمەتىنە كىرىسە سالىسىمەن ا ق ش- قا زاڭسىز كىرگەن بوسقىنداردى ۇيلەرىنە قايتارۋعا كىرىسكەن. قولدا بار مالىمەتكە سايكەس ولاردىڭ سانى 11 ميلليونعا جۋىقتايدى. پرەزيدەنت ا ق ش اۋماعىندا قىلمىس جاساعان زاڭسىز ميگرانتتاردى گۋانتاناموداعى اسكەري بازاعا جىبەرۋدى بۇيىرعان. مۇندا 30 مىڭنان اسا ميگرانت كوشىرىلۋى مۇمكىن.