«امەريكا داۋىسى» راديوستانسياسى جۇمىسىن توقتاتۋى كەرەك - ترامپ

استانا. KAZINFORM - ا ق ش پرەزيدەنتى دونالد ترامپ «امەريكا داۋىسى» راديوستانتسياسى جۇمىسىن توقتاتۋى كەرەك دەپ سانايدى، دەپ حابارلايدى ت ا س س.

- رەسپۋبليكاشىلدار نەلىكتەن دەموكراتتاردىڭ پىكىرىن ەلگە تاراتۋشى «امەريكا داۋىسى» ءارى قاراي قىزمەت ەتكەنىن قالايدى؟ بۇل سولشىلدار ءۇشىن ۇلكەن اپات، - دەپ جازدى ول Truth Social-دا.

بۇعان دەيىن حابارلانعانداي، ا ق ش- تىڭ عالامدىق مەديالار اگەنتتىگى (USAGM)، «امەريكا داۋىسى» (Voice of America) راديوسىن باسقاراتىن مەكەمە، تاعى 639 قىزمەتكەرگە جۇمىستان بوساتۋ تۋرالى حابارلاما جىبەرگەنىن مالىمدەدى. بۇل - 1942 -جىلى قۇرىلعان اقپارات قىزمەتىن جويۋ باعدارلاماسىنىڭ ءىس جۇزىندە اياقتالعانىن بىلدىرەدى.

ناۋرىز ايىندا ترامپ اكىمشىلىگى قىزمەتكەرلەرىنىڭ بارلىعى دەرلىك اقىلى دەمالىسقا جىبەرىلگەن «امەريكا داۋىسى» مەن «ازات ەۋروپا جانە ازيا راديوسىن» قارجىلاندىرۋدى اۋقىمدى تۇردە قىسقارتتى. مامىر ايىندا ترامپ اكىمشىلىگى «امەريكا داۋىسىنىڭ» 600 گە جۋىق قىزمەتكەرىن جۇمىستان شىعاردى.