گامبۋرگتە حەللوۋن مەرەكەسى كەزىندە تارتىپسىزدىكتەر بولدى. گامبۋرگ پوليتسياسىنىڭ قالانىڭ وڭتۇستىك اۋدانىندا بىرنەشە ءجۇز ادامعا قارسى سۋ اتقىشتارىن قولدانۋىنا تۋرا كەلدى، دەپ حابارلايدى Kazinform اگەنتتىگى DW جاڭالىقتارىنا سىلتەمە جاساپ.
العاشىندا قالانىڭ وڭتۇستىك اۋدانىنا 200 گە جۋىق ادام - باسىم بولىگى جاستار جينالسا، كەيىن ولاردىڭ قاتارى 300-350 گە جەتتى. جينالعاندار پوليتسيانىڭ بىرنەشە رەت ەسكەرتكەنىنە قاراماستان تاراماعان.
پوليتسيانىڭ حابارلاۋىنشا، ءتارتىپ ساقشىلارىنا پەتاردا لاقتىرىلعان، ال پوليتسەيلەر جينالعانداردى ىعىستىرىپ، سۋ اتقىشتارىن قولدانعان.
سونىمەن قاتار، ءبىرازى قاماۋعا الىندى. زارداپ شەككەندەر تۋرالى مالىمەت جوق. قالانىڭ تاعى ءبىر بولىگىندە 50 گە جۋىق جاس پەتاردا اتىپ، دۇكەن تەرەزەلەرىن سىندىرىپ، قوقىس كونتەينەرلەرىن ورتەپ جىبەرگەن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан