ۆاليۋتا باعامى تابلوسىن عيمارات ىشىنە كىرگىزبەگەندەرگە ايىپپۇل سالىنۋى مۇمكىن

استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ ۆاليۋتا باعامىنىڭ تابلوسىن عيمارات ىشىنە كىرگىزبەگەن ايىرباستاۋ بەكەتتەرىنە قانداي شارا قولدانىلاتىنىن ايتتى.

1-قىركۇيەكتەن باستاپ قازاقستانداعى ايىرباستاۋ بەكەتتەرى ۆاليۋتا باعامدارى كورسەتىلگەن ەلەكتروندىق تابلونى عيمارات ىشىنە كىرگىزۋگە مىندەتتەلىپ وتىر. الىپ تاستاۋعا مىندەتتى بولادى. ۇلتتىق بانك باسشىسى بۇل تالاپقا باعىنباعان كاسىپكەرلەرگە قانداي شارا قولدانىلاتىنىن ايتتى.

- سانكسيالار اكىمشىلىك كودەكستە جازىلعان. ءبىز تالاپتاردى قالىپتاستىرامىز، ال جاۋاپكەرشىلىك زاڭدا كوزدەلگەن. جاڭا تالاپتاردى ساقتاماعانى ءۇشىن ايىپپۇل مولشەرى 3 تەن (11796 تەڭگە - رەد.) 5 ايلىق ەسەپتىك كورسەتكىشكە (19660 تەڭگە) دەيىن بارۋى مۇمكىن، - دەدى ول.

ايتا كەتەيىك جاڭا تالاپ بويىنشا 1-قىركۇيەكتەن باستاپ ۆاليۋتا باعامى تۋرالى اقپاراتتىق ستەند (تابلو) ايىرباستاۋ بەكەتىنىڭ ىشىندە نەمەسە كاسسا جانىندا بولۋى كەرەك.