الىبەك قۋانتىروۆ سىرتقى ىستەر ءمينيسترىنىڭ ورىنباسارى بولىپ تاعايىندالدى

استانا. KAZINFORM - مەملەكەت باسشىسىنىڭ وكىمىمەن الىبەك ساكەن ۇلى قۋانتىروۆ قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى لاۋازىمىنا تاعايىندالدى.

الىبەك قۋانتىروۆ 1983 -جىلى اتىراۋ قالاسىندا تۋعان.

تومسك مەملەكەتتىك ۋنيۆەرسيتەتىن، ميچيگان ۋنيۆەرسيتەتىن بىتىرگەن، قولدانبالى ەكونوميكا ماگيسترى.

پرەزيدەنتتىك جاستار كادر رەزەرۆىنىڭ مۇشەسى.

ەڭبەك جولىن 2005 -جىلى ق ر ەكونوميكا جانە بيۋدجەتتىك جوسپارلاۋ مينيسترلىگىندە جەتەكشى ماماننىڭ مىندەتىن اتقارۋشى بولىپ باستادى.

2005-2010 -جىلدارى ق ر ەكونوميكا جانە بيۋدجەتتىك جوسپارلاۋ مينيسترلىگىندە ءتۇرلى لاۋازىمداردا جۇمىس ىستەدى.

2010-2013 -جىلدارى ق ر قارجى مينيسترلىگىنىڭ بيۋدجەتتىك جوسپارلاۋ جانە بولجامداۋ دەپارتامەنتى ديرەكتورىنىڭ ورىنباسارى بولدى.

2013 -جىلى ق ر يندۋستريا جانە جاڭا تەحنولوگيالار مينيسترلىگىنىڭ گەولوگيا جانە جەر قويناۋىن پايدالانۋ كوميتەتى ءتوراعاسىنىڭ ورىنباسارى قىزمەتىن اتقارعان.

2013-2019 -جىلدارى ق ر پرەزيدەنت اكىمشىلىگىندە ءتۇرلى قىزمەتتەر اتقاردى.

2019-2021 -جىلدارى ق ر تۇڭعىش پرەزيدەنتى - ەلباسى كەڭسەسىنىڭ اقپاراتتىق-ساراپتامالىق قامتاماسىز ەتۋ ءبولىمىنىڭ مەڭگەرۋشىسىنىڭ ورىنباسارى، 2021-2022 -جىلدارى ق ر ۇلتتىق ەكونوميكا ۆيتسە-ءمينيسترى، 2022-2024 -جىلدارى – ق ر ۇلتتىق ەكونوميكا ءمينيسترى قىزمەتىن اتقارعان.

بيىلعى 1-ساۋىردە KazEnergy باس ديرەكتورى بولىپ تاعايىندالعان ەدى.

مەملەكەت باسشىسىنىڭ وكىمىمەن نازيرا نۇرتۇلەۋ قىزى نۇربايەۆا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى لاۋازىمىنان بوساتىلدى.