استانا. قازاقپارات - Alibaba كومپانياسىنىڭ بولىمشەسى اشىق كودتى جاڭا QwQ-32B اتتى جاساندى ينتەللەكت مودەلىن شىعاردى، ءارى ونىڭ ونىمدىلىگى DeepSeek-R1 مودەلىنە تەڭ ەكەنىن مالىمدەدى. بۇل تۋرالى قىتايدىڭ The Paper باسىلىمى حابارلادى، دەپ جەتكىزەدى Kazinform اگەنتتىگىنىڭ مەنشىكتى ءتىلشىسى.
QwQ-32B مودەلى نەبارى 32 ميلليارد پارامەتردەن تۇرادى، الايدا ونىڭ ونىمدىلىگى DeepSeek-R1 مودەلىنە تەڭ كەلەدى. ايتا كەتسەك، DeepSeek-R1 جالپى 671 ميلليارد پارامەترگە يە، ءبىراق سونىڭ 37 ميللياردى عانا بەلسەندى.
حابارلانعانداي، اۋقىمدى كۇشەيتىلگەن وقىتۋ پروتسەسىنىڭ ارقاسىندا QwQ-32B مودەلى ماتەماتيكا، كودتاۋ جانە جالپى قابىلەتتەر بويىنشا ساپالى سەرپىلىسكە قول جەتكىزگەن.
ەسكە سالا كەتەيىك، DeepSeek اتتى قىتايلىق ستارتاپتىڭ 2025 -جىلدىڭ قاڭتارىندا DeepSeek-R1 جاساندى ينتەللەكت چات- بوتىن ىسكە قوسۋى الەمدىك IT نارىقتا «تاڭدانىس» تۋدىرعان ەدى.
ايتا كەتەلىك DeepSeek-تى پايدالانۋعا تىيىم سالعانداردىڭ قاتارى ءوسىپ كەلەتىنى تۋرالى جازعان ەدىك.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан