الەمدەگى ەڭ قىمبات ساۋدا كوشەسى بەلگىلى بولدى

استانا. KAZINFORM - نيۋ-يوركتەگى بەسىنشى اۆەنيۋ الەمدەگى ەڭ قىمبات ساۋدا كوشەلەرىنىڭ رەيتينگىندە قايتادان ءبىرىنشى ورىنعا يە بولدى، دەپ حابارلايدى CushmanWakefield.

Фото: wikipedia.org

Cushman جانە Wakefield حالىقارالىق كونسالتينگتىك كومپانياسىنىڭ Main Streets Across the World 2026 زەرتتەۋىنىڭ دەرەگىنشە، سوڭعى ءبىر جىلدا جوعارعى بەسىنشى اۆەنيۋدەگى ساۋدا ورىندارىنىڭ جالداۋ اقىسى 35 پايىز ءوسىپ، جىلىنا ءبىر شارشى فۋت ءۇشىن 2700 دوللارعا جەتكەن. بۇل ءبىر شارشى مەترگە شاققاندا جىلىنا شامامەن 29 مىڭ دوللار نەمەسە 13,1 ميلليون تەڭگە بولادى. وسىنىڭ ناتيجەسىندە بەسىنشى اۆەنيۋ رەيتينگتە ءۇشىنشى ورىننان ءبىرىنشى ورىنعا كوتەرىلدى. ول بۇل ورىندى سوڭعى رەت 2023 -جىلى يەلەنگەن بولاتىن.

رەيتينگتە ەكىنشى ورىندى لوندونداعى نيۋ-بوند-ستريت يەلەندى. مۇندا ءبىر شارشى فۋتتىڭ جىلدىق جالداۋ اقىسى 2 230 دوللاردى (شامامەن 1 ميلليون تەڭگە) قۇراعان. ال ءۇشىنشى ورىن ميلانداعى ۆيا مونتەناپولەونە كوشەسىنە بۇيىردى. ونداعى كورسەتكىش 2160 دوللارعا (شامامەن 975 مىڭ تەڭگە) جەتكەن.

جالپى، الەمدەگى 147 جەتەكشى ساۋدا كوشەسىندە جالداۋ اقىسى جەرگىلىكتى ۆاليۋتاعا شاققاندا ورتا ەسەپپەن 3 پايىز وسكەن.

ەكونوميكالىق تۇراقسىزدىققا قاراماستان، جوعارى ساناتتاعى ساۋدا ورىندارىنا سۇرانىس باسەڭدەگەن جوق.

مۇنى الەمنىڭ 30 ءىرى ساۋدا كوشەسىندە جالپى اۋماعى 815 مىڭ شارشى فۋتتان (75,7 مىڭ شارشى مەتر) اساتىن 153 جاڭا جالداۋ شارتىنىڭ جاسالىپ، دۇكەندەردىڭ اشىلۋى دا كورسەتەدى. جاڭا جالعا الۋشىلاردىڭ 80 پايىزدان استامى بۇل كوشەلەردە بۇرىن بولماعان ساۋدا جەلىلەرى بولسا، جالعا الىنعان ورىنداردىڭ شامامەن 90 پايىزىن حالىقارالىق برەندتەر يەلەنگەن. ال سۇرانىستىڭ نەگىزگى بولىگىن ءساندى كيىم دۇكەندەرى قۇرادى.

جالداۋ اقىسىنىڭ ءوسۋى الەمنىڭ ءداستۇرلى ساۋدا ورتالىقتارىنان تىس جەرلەردە دە بايقالادى. ماسەلەن، ماياميدەگى بريكەلل بۋلۆارىندا جالداۋ قۇنى 43 پايىز، وستيندەگى ساۋت-كونگرەسس كوشەسىندە 20 پايىز، مۋمبايداعى لينكينگ- روۋدتا 28 پايىز، ال بۋحارەستەگى كاليا-ۆيكتوريەي كوشەسىندە 29 پايىز وسكەن.

Cushman جانە Wakefield دەرەگىنشە، ساۋدا ورىندارى، مەيرامحانالار، قوناقۇيلەر مەن ويىن- ساۋىق نىساندارى شوعىرلانعان كوپفۋنكتسيالى قالالىق اۋدانداردىڭ دامۋى كەلۋشىلەر سانىن ارتتىرىپ، ساۋدا جەلىلەرىنىڭ قىزىعۋشىلىعىن كۇشەيتەدى.

كومپانيا ساراپشىلارىنىڭ بولجامىنشا، ۇزدىك ساۋدا ورىندارى ءۇشىن باسەكە ءالى دە جوعارى دەڭگەيدە بولادى. بولشەك ساۋدا سالاسىندا ساتىپ الۋشىلارمەن بايلانىس ورناتۋ، تاۋار قورىن باسقارۋ سياقتى باعىتتاردا ج ي مەن سيفرلىق تەحنولوگيالاردىڭ ماڭىزى ارتا تۇسەدى. الايدا برەندتىڭ تانىمالدىلىعىن قالىپتاستىرۋدا جانە تۇت