الەمدەگى ەڭ كارى قىزىل پاندا گيننەستىڭ رەكوردتار كىتابىنا ەندى

استانا. KAZINFORM - جاپونياداعى فۋتا ەسىمدى قىزىل پاندا قاماۋدا ءومىر سۇرەتىن الەمدەگى ەڭ كارى قىزىل پاندا رەتىندە گيننەستىڭ رەكوردتار كىتابىنا ەندى.

Фото: видео кадры

17-قاراشادا فۋتا 23 جاس 135 كۇنگە تولدى. وسىعان وراي ول مەكەندەيتىن تيبا زوولوگيالىق ساياباعىندا ارنايى ءراسىم ءوتتى.

فۋتا 2003-جىلعى 5-شىلدەدە سيدزۋوكا پرەفەكتۋراسىنداعى نيحوندايرا حايۋاناتتار باعىندا دۇنيەگە كەلگەن. ءبىر جىلدان كەيىن تيبا زوولوگيالىق ساياباعىنا اۋىستىرىلعان.

قىزىل پاندا 2005-جىلى ەكى اياعىمەن تىك تۇراتىن ادەتىنىڭ ارقاسىندا جاپونياعا تانىلىپ، جارناماعا دا تۇسكەن.

ماماندار ونىڭ جاسىن ادام جاسىمەن سالىستىرعاندا 100 جىلدان اسادى دەپ باعالايدى. قازىر فۋتانىڭ كورۋ قابىلەتى ناشارلاپ، ەكى اياعىمەن تۇرا المايدى. دەگەنمەن تابەتى جاقسى، جاعدايى تۇراقتى ەكەن.