استانا. KAZINFORM - كاسىپقوي بوكستان ەكىنشى ورتا سالماقتاعى قازاقستاندىق الي احمەدوۆ (22-1، 16 ك و) كوممەرستە (كاليفورنيا، ا ق ش) وتكەن بوكس كەشىندە كەزەكتى جەڭىسىنە قول جەتكىزدى.
احمەدوۆ امەريكاندىق مالكولم دجونسپەن (17-4-1، 10 ك و) جۇدىرىقتاستى. بۇل كەزدەسۋ سۋپەر ورتا سالماقتا ءوتىپ، ون راۋندقا ەسەپتەلدى جانە ەكىنشى راۋندتا قازاقستاندىق تەحنيكالىق نوكاۋتپەن جەڭدى.
وسىلايشا، الي احمەدوۆ كاسىپقوي بوكستا 23-جەڭىسىنە قول جەتكىزسە، مالكولم دجونس وسىمەن بەسىنشى رەت جەڭىلىپ وتىر. احمەدوۆتىڭ قاتارىنان بەسىنشى رەت جەڭىسكە جەتكەنىن دە ايتا كەتۋ كەرەك. ول مانسابىندا ءبىرىنشى ءارى سوڭعى رەت 2020-جىلعى جەلتوقساندا ەكۆادورلىق كارلوس گونگورادان (22-3، 17 ك و) جەڭىلگەن ەدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.