الي احمەدوۆ امەريكالىق بوكسشىنى نوكاۋتپەن جەڭدى

استانا. KAZINFORM - كاسىپقوي بوكستان ەكىنشى ورتا سالماقتاعى قازاقستاندىق الي احمەدوۆ (22-1، 16 ك و) كوممەرستە (كاليفورنيا، ا ق ش) وتكەن بوكس كەشىندە كەزەكتى جەڭىسىنە قول جەتكىزدى.

احمەدوۆ امەريكاندىق مالكولم دجونسپەن (17-4-1، 10 ك و) جۇدىرىقتاستى. بۇل كەزدەسۋ سۋپەر ورتا سالماقتا ءوتىپ، ون راۋندقا ەسەپتەلدى جانە ەكىنشى راۋندتا قازاقستاندىق تەحنيكالىق نوكاۋتپەن جەڭدى.

وسىلايشا، الي احمەدوۆ كاسىپقوي بوكستا 23-جەڭىسىنە قول جەتكىزسە، مالكولم دجونس وسىمەن بەسىنشى رەت جەڭىلىپ وتىر. احمەدوۆتىڭ قاتارىنان بەسىنشى رەت جەڭىسكە جەتكەنىن دە ايتا كەتۋ كەرەك. ول مانسابىندا ءبىرىنشى ءارى سوڭعى رەت 2020-جىلعى جەلتوقساندا ەكۆادورلىق كارلوس گونگورادان (22-3، 17 ك و) جەڭىلگەن ەدى.