پاۆلودارداعى حالىق بانكتى تونادى دەگەن كۇدىكتىلەر رەسەيدە ۇستالدى

پاۆلودار. KAZINFORM - پوليتسيانىڭ اقپاراتىنشا، پاۆلودارداعى بانكتى تونادى دەگەن كۇدىكپەن بىرنەشە ازامات رەسەي فەدەراتسياسى اۋماعىندا ۇستالدى. ولاردىڭ بارلىعى كورشى ەلدىڭ ازاماتتارى.

وڭىرلىك پوليتسيا دەپارتامەنتى ۇستالعاندارعا قاتىستى قازاقستاندىق سوتتىڭ شەشىمىمەن قاماۋعا الۋ سانكسياسى قولدانىلعانىن حابارلادى.

- حالىقارالىق كەلىسىمدەر اياسىندا ق ر ىشكى ىستەر مينيسترلىگى رەسەيلىك ارىپتەستەرىمەن بىرلەسىپ، تەرگەۋ-جەدەل توبىن قۇردى. سوتقا دەيىنگى تەرگەپ-تەكسەرۋ جۇرگىزىلىپ جاتىر، ونىڭ قورىتىندىسى بويىنشا پروتسەسسۋالدىق شەشىم قابىلدانادى، - دەپ اتاپ ءوتتى دەپارتامەنتتەن.

ەسكە سالا كەتەيىك، 2024 -جىلدىڭ 10- قاراشا كۇنى تۇندە پاۆلوداردا بانك بولىمشەسىنىڭ قابىرعاسى لوممەن بۇزىلىپ، تونالدى.

قارجى نارىعىن رەتتەۋ جانە دامىتۋ اگەنتتىگىنىڭ وكىلدەرى بانك بولىمشەسىنەن قانشا دۇنيە ۇرلانعانىن تەرگەۋ عانا ايتا الاتىنىن مالىمدەگەن.

ارتىنشا «قازاقستان حالىق بانكى» اكسيونەرلىك قوعامىنىڭ باسپا ءسوز قىزمەتى پاۆلودار قالاسىنداعى بولىمشەسىنە ۇرى ءتۇسۋ فاكتىسى بويىنشا ءجۇرىپ جاتقان تەرگەۋ تۋرالى پىكىر بىلدىرگەن بولاتىن.

اۆتور

مۇرات اياعان