پاۆلوداردا ويىن الاڭىندا جۇرگەن جاس ءوسپىرىم مەتال شەڭبەرگە كەپتەلىپ قالعان

پاۆلودار. KAZINFORM - قۇتقارۋشىلار جەدەل جەتىپ، بالانى تەمىر قۇرساۋدان بوساتىپ الدى. ونىڭ دەنساۋلىعىنا تونگەن ەشبىر قاۋىپ جوق.

پاۆلودار قالاسىنداعى اۋلالاردىڭ بىرىندە ويناپ جۇرگەن جاس ءوسپىرىم مەتالدان جاسالعان شەڭبەر اراسىندا كەۋدەسىمەن قىسىلىپ قالعان.

«ساعات 16.58-دە ماكسيم گوركي كوشەسىندە ورنالاسقان بالالار ويىن الاڭىنداعى مەتالل ساقيناعا بالانىڭ كەپتەلىپ قالعانى تۋرالى حابار كەلىپ ءتۇستى. وقيعا تۋرالى تۇرعىندار حابارلادى. ولار بالانى ءوز كۇشتەرىمەن الىپ شىعۋعا تىرىسقانىمەن ءساتى تۇسپەگەن. وقيعا ورنىنا 5 قۇتقارۋشى جەدەل جەتتى. تەمىر شەڭبەردى گيدراۆليكالىق قۇرالمەن ءۇزىپ، بالانى قۇتقاردى»، دەپ حابارلادى پاۆلودار وبلىسى توتەنشە جاعدايلار دەپارتامەنتىنەن.

بالا ءدىن امان، دەنساۋلىعىنا ەشبىر كىنارات كەلمەگەن.

ەسكە سالا كەتەيىك، ەكىباستۇزدا جەتكىنشەك سۋ تولى شۇڭقىرعا قۇلاپ كوز جۇمدى.

اۆتور
مۇرات اياعان