پاۆلوداردا جەتىم قىزدى زورلاعان ەر ادام پوليتسيا قولىنا تۇسپەۋ ءۇشىن ءوزىن اتىپ ءولتىردى
پاۆلودار. KAZINFORM - پاۆلودارداعى جەلەزين اۋدانىندا ەر ادامنىڭ جەتىم قىزدى زورلاعانى انىقتالدى. ول بۇعان دەيىن قىز بالانىڭ قامقورشىسى بولعان.
جەلەزين اۋدانىنداعى بالالار ءۇيىنىڭ 16 جاسار تاربيەلەنۋشىسىن گينەكولوگيالىق تەكسەرۋ بارىسىندا بۇرىن ونىڭ ەر اداممەن جىنىستىق قاتىناستا بولعانى انىقتالعان. پەدوفيلدىك ارەكەت ءبىراز جىل بۇرىن، ونى قامقورشىلىققا العان ەر اداممەن جاسالعان.
- كامەلەتكە تولماعاندى زورلاۋ فاكتىسى بويىنشا قىلمىستىق ءىس قوزعالدى. كۇدىكتى انىقتالدى. الايدا كۇدىكتى جابىرلەنۋشىنىڭ اتالعان دەرەك بويىنشا پوليتسياعا جۇگىنگەنىن ءبىلىپ، ءوز-وزىنە قول جۇمسادى. وقيعانىڭ ءمان-جايى مەن سەبەپتەرى انىقتالىپ جاتىر. تەرگەۋ پاۆلودار وبلىسى پوليتسيا دەپارتامەنتى باسشىلىعىنىڭ ەرەكشە باقىلاۋىندا، - دەپ حابارلادى پاۆلودار وبلىسى پوليتسيا دەپارتامەنتىنىڭ باسپا ءسوز قىزمەتىنەن.
اۆتور
مۇرات اياعان