پاۆلوداردا بۇرىن سوتتى بولعان ازامات زيرات قورشاۋلارىن ۇرلاپ ءجۇرىپ قولعا ءتۇستى
11:56, 16 - اقپان 2024
پاۆلودار. KAZINFORM - پوليتسيا ۇرلىق فاكتىسى بويىنشا سوتقا دەيىنگى تەرگەۋدى باستادى. كەلتىرىلگەن شىعىن كولەمى 400 مىڭ تەڭگەنى قۇراپ وتىر.
وبلىس ورتالىعىنىڭ تۇرعىنى سۋۆوروۆ زيراتىنداعى مەتالل قورشاۋلاردى بۇزىپ، جەكە كولىگىنە تيەپ الىپ كەتكەن.
«ارنايى ءىس-شارالاردى جۇرگىزۋ كەزىندە پاۆلودار قالاسىنداعى وڭتۇستىك پوليتسيا ءبولىمىنىڭ كريمينالدىق پوليتسيا قىزمەتكەرلەرى ۇرلىق جاساعان، بۇرىن سوتتالعان پاۆلودارلىقتى انىقتادى. ول زيرات قورشاۋلارىن شەۆرولە نەكسيا ماركالى اۆتوكولىگىمەن الىپ كەتكەن. كەلتىرىلگەن شىعىن كولەمى - 400 مىڭ تەڭگە»، - دەپ حابارلادى وڭىرلىك پوليتسيا دەپارتامەنتىنىڭ باسپا ءسوز قىزمەتىنەن.
قۇقىق قورعاۋ ورگاندارى كۇدىكتىگە قاتىستى سوتقا دەيىنگى تەرگەۋ شارالارىن باستادى.
اۆتور
مۇرات اياعان