وبلىستىق جەدەل جاردەم ستانساسىنىڭ اقپاراتىنشا، بالالاردىڭ ءۇي جاعدايىندا جاراقات الۋىنا كوبىنە اتا-انالاردىڭ باقىلاۋسىز قالدىرۋى سەبەپ.
- بالالاردىڭ جاراقات الۋى نەگىزىنەن ۇيدە تىركەلەدى. جىل باسىنان تۇرمىستىق جاراقاتتار بويىنشا 381 شاقىرتۋ تىركەلگەن، بۇل جالپى جاعدايلاردىڭ B دان استامىن قۇراپ وتىر. ياعني ابايسىزدا دەنە بولىگىن وتكىر زاتپەن كەسىپ الۋ، جيھازدان قۇلاۋ جانە پاتەر ىشىندەگى باسقا دا وقىس جاعدايلار كىرەدى. بارلىق وقيعانىڭ ! دان استامى كۇيىك پەن ۋلانۋعا قاتىستى، - دەپ حابارلادى جەدەل جاردەم ستانساسىنان.
دارىگەرلەردىڭ ايتۋىنشا، مۇنداي وقيعالاردىڭ باسىم بولىگىنىڭ الدىن الۋعا بولادى. ول ءۇشىن بالالاردى قاراۋسىز قالدىرماۋ جانە تۇرمىستىق حيميا مەن قاۋىپتى زاتتاردى قول جەتپەيتىن جەردە ساقتاۋ قاجەت.
اتاپ وتەرلىگى، وڭىردە جول-كولىك وقيعالارىنان زارداپ شەككەن بالالار سانى ەكى ەسەگە جۋىق ازايعان (48 دەن 27 جاعدايعا تومەندەگەن). سونداي-اق اۋىر ۇسىك شالۋ جاعدايلارى، كۇيىك الۋ دا ازايىپ كەلەدى.