پاۆلوداردا اكىم سىيلاعان ىشىمدىككە تويىپ العان ەر ادام ءۇيىن دە، ايەلىن دە ورتەپ جىبەردى

پاۆلودار. KAZINFORM - اۋىلدىق وكرۋگتىڭ اكىمى جەڭىس كۇنىندە جەرگىلىكتى تۇرعىنعا ىشىندە ءبىر بوتەلكە ىشىمدىگى بار ازىق-تۇلىك سەبەتىن سىيلاعان. الگى ازامات اكىم بەرگەن اراققا سىلقيا ماس بولىپ، ابايسىزدا ءۇيىن ورتەپ جىبەرگەن. وكىنىشكە قاراي، سول ۋاقىتتا ۇيدە بولعان ازاماتتىڭ جۇبايى دا ءتىلسىز جاۋدىڭ قۇربانى بولىپ كەتە باردى.

كەلەڭسىز وقيعا پاۆلودار اۋدانىنىڭ گريگوريەۆكا اۋىلدىق وكرگىندە بولعان. بۇل تۋرالى اتالعان اۋداننىڭ پروكۋراتۋراسىنان حابارلادى.

«پاۆلودار اۋدانىنا قاراستى اۋىلدىق وكرۋگتەردىڭ ءبىر اكىمى جەڭىس كۇنىندە ىشىنە ازىق-تۇلىك جانە 0,5 كولەمىندەگى اراق سالىنعان سەبەتتى جەرگىلىكتى تۇرعىنعا سىيلاعان. ازامات - اۋعان سوعىسىنىڭ ارداگەرى. ول الگى اراققا ماس بولىپ، بايقاماي ءۇيىن ورتەپ العان. تاپ سول ۋاقىتتا ايەلى ۇيدە بولعان. ايەل ادام ءتىلسىز جاۋدىڭ سالدارىنان قازا تاپتى»، - دەپ مالىمدەدى اۋدان پروكۋرورىنىڭ ورىنباسارى نۇرلان وپابەكوۆ.

پروكۋرورلار وكرۋگ اكىمىنىڭ مۇنداي وسپادار قىلىعى مورالدىك نورمالارعا قايشى كەلەتىنىن جەتكىزدى. اۋدان پروكۋراتۋراسىنىڭ اكتىسى بويىنشا اۋىلدىق وكرۋگ اكىمى قاتاڭ سوگىس تۇرىندە تارتىپتىك جاۋاپكەرشىلىككە تارتىلدى.

ەسكە سالا كەتەيىك، اقتوبە وبلىسىندا جەرگە قاتىستى اكىمشىلىك كەدەرگى كەلتىرگەن شەنەۋنىكتەر جاۋاپقا تارتىلدى.

اۆتور
مۇرات اياعان