پاۆلوداردا 70 ميلليون تەڭگەدەن استام قارىزى بار بورىشكەر ۇستالدى
پاۆلودار. KAZINFORM - ەر ادام ەكى جىل بويى قارىزىن تولەمەي قاشىپ جۇرگەن. ول ءبىر تاۋلىككە اكىمشىلىك قاماۋعا الىندى.
پاۆلودار وبلىستىق ادىلەت دەپارتامەنتىنىڭ مەملەكەتتىك سوت ورىنداۋشىسى جانىبەك تۋسىپبەكوۆ مەملەكەت پايداسىنا 70 ميلليون تەڭگەدەن استام سومانى ءوندىرۋ تۋرالى اتقارۋ قۇجاتىنىڭ تالاپتارىن ورىنداماعان بورىشكەردىڭ قولعا تۇسكەنىن حابارلادى. بورىشكەرگە قاتىستى ق ر اكىمشىلىك قۇقىق بۇزۋشىلىق تۋرالى كودەكستىڭ 669-بابى بويىنشا حاتتاما تولتىرىپ، قاراستىرۋ ءۇشىن سوتقا جولداندى.
- مەملەكەتكە 70 ميلليون تەڭگە قارىز بولعان بورىشكەر 2 جىل بويى ىزدەۋدە جۇرگەن. ەكونوميكالىق تەرگەپ-تەكسەرۋ دەپارتامەنتىمەن ءوزارا ءىس-قيمىل جانە بىرلەسكەن كۇش- قيمىلدىڭ ارقاسىندا ىزدەۋدە جۇرگەن ازامات ۇستالدى. سوت قاۋلىسىمەن بورىشكەر ءبىر تاۋلىككە قاماۋ تۇرىندەگى اكىمشىلىك جازاعا تارتىلدى، - دەپ مالىمدەدى وڭىرلىك ادىلەت دەپارتامەنتىنىڭ باسپا ءسوز قىزمەتىنەن.
ەسكە سالا كەتەيىك، ادىلەت ءمينيسترى بورىشكەرلەردىڭ مۇلكىن اۋكسيوندا ساتۋ كەزىندەگى «سۇر سحەمانى» اتادى.