پاۆلودارعا شىبىن- شىركەيدى اۋەدەن ۋلايتىن 8 ۇشاق ۇشىپ كەلدى
پاۆلودار. KAZINFORM - ولار ەرتىس وزەنى جايىلمالارىنا بيولوگيالىق پرەپارات شاشىپ، قانسورعىش جاندىكتەردى جويادى. بيىل وبلىس بويىنشا اۋەدەن وڭدەلەتىن القاپتىڭ كولەمى - 127 مىڭ گەكتار.
وڭىرگە شىبىن-شىركەيگە قارسى كۇرەسكە جۇمىلدىرىلاتىن 8 اۋە بورتى كەلدى. ولاردىڭ ەكەۋى پاۆلودار قالاسىنىڭ القاپتارىن جانە پاۆلودار اۋدانىنىڭ سولتۇستىك بولىگىن قامتيدى. تاعى 2 بورت اقسۋ جايىلماسىن جانە پاۆلودار اۋدانىنىڭ وڭتۇستىك بولىگىنە باعىتتالادى. ءبىر-ءبىر بورتتان اقتوعاي، تەرەڭكول، پاۆلودار جانە ەرتىس اۋداندارىنا جىبەرىلەدى.
پاۆلودار وبلىسىنىڭ اكىمى اسايىن بايحانوۆ حابارلاعانداي، وتكەن جىلى ماماندار شىبىن-شىركەيگە قارسى اۋەدەن وڭدەۋ جۇمىستارىنىڭ تيىمدىلىگىن � عا باعالادى. بيىلعى جىلى عىلىمي سۇيەمەلدەۋ توبىنىڭ ۇسىنىستارى بويىنشا وڭدەلەتىن القاپتىڭ اۋماعى 55,5 مىڭ گەكتارعا ۇلعايتىلدى.
قوسىمشا پاۆلودار جانە ەرتىس اۋداندارى قامتىلىپ، اۋەدەن وڭدەلەتىن القاپتىڭ كولەمى 127 مىڭ گەكتاردى قۇرادى.
عالىمداردىڭ سوزىنشە، جايىلماداعى تاياز سۋدا جاندىكتەردىڭ دەرناسىلى تەز جەتىلەدى. سۋ تەمپەراتۋراسى 18 گرادۋسقا جەتكەندە دەرناسىلدەر بەلسەندى بولا ءتۇسىپ، تەز داميدى. وسى ۋاقىتتا وڭدەۋ شارالارى باستالىپ كەتۋى كەرەك. ازىرشە جايىلمالارداعى سۋدىڭ تەمپەراتۋراسى 10-11 گرادۋستان اسپاي تۇر.
وزەندى وڭدەۋ جۇمىستارىنىڭ بولجامدى مەرزىمدەرى انىقتالدى. ءبىرىنشى كەزەڭ 16-17-مامىردا باستالسا، ەكىنىش كەزەڭ 26-27-مامىردا، ال ءۇشىنشىسى 10-15-ماۋسىمعا جوسپارلانعان. بۇعان قوسا ەرتىس ءوزىنىنىڭ بەلايا، پودستەپكا، تەپلايا، تۇلكى، تاللينكا، كاراتۋن، ورلاۆكا تارماقتارى جانە وبلىس ورتالىعى مەن اقسۋ قالاسىنىڭ ماڭىنداعى اعىستار اۋەدەن وڭدەلەدى.
ەسكە سالا كەتەيىك، ەلوردادا ماسا مەن شىبىن-شىركەيگە قارسى كۇرەس باستالدى.