پاۆلودارعا شىبىن-شىركەيدى اۋەدەن ۋلايتىن 10 ۇشاق جەتكىزىلدى
پاۆلودار. KAZINFORM - ولار ەرتىس وزەنى جايىلمالارىنا بيولوگيالىق پرەپارات شاشىپ، قانسورعىش جاندىكتەردى جويادى. دەزينسەكتسيالىق ءىس- شارالار وزەندەر جاعالاۋلارىندا ورنالاسقان 59 ەلدى مەكەندە جوسپارلانعان.
وڭىردە شىبىن-شىركەيگە قارسى كۇرەس جۇمىستارى باستالدى. بيىل اۋەدەن، وزەن ارقىلى جانە توسقاۋىلمەن وڭدەۋ شارالارى كۇشەيتىلدى.
وڭدەۋ اۋماعىنىڭ 45 مىڭ گەكتارعا ۇلعايۋىنا بايلانىستى قوسىمشا ۇشاقتار تارتىلعان. جۇمىستىڭ اۋقىمدىلىعىنا وراي اۋەدەن دەزينسەكتسيالىق جۇمىستار جۇرگىزەتىن 10 ۇشاق جەتكىزىلدى.
- بارلىق ۇشاق كەلدى، مەردىگەردىڭ قاجەتتى ليتسەنزياسى بار. ەندىگى كەزەكتە شىبىن- شىركەيلەردىڭ جاپپاي ۇشىپ شىعاتىن كۇنىن بەلگىلەۋ ماڭىزدى - بۇل سۋدىڭ تولىق جايىلعانىنان كەيىن مۇمكىن بولادى. عىلىمي توپ ۇسىنىس بەرگەننەن كەيىن نەگىزگى جۇمىستار باستالادى. ستراتەگيا قۇرىلىپ، الگوريتم بەكىتىلدى جانە ءاربىر كەزەڭ عىلىمي توپتىڭ باقىلاۋىمەن وتەدى، - دەپ حابارلادى وڭىرلىك اكىمنىڭ باسپا ءسوز قىزمەتىنەن.
دەزينسەكتسيالىق ءىس- شارالار جاعالاۋ بويىندا ورنالاسقان وبلىستىڭ 59 ەلدى مەكەنىندە جوسپارلانعان. وزەندى وڭدەۋ جۇمىستارى 10 قۇيۋ نۇكتەدەن ءۇش كەزەڭدە جۇزەگە اسىرىلادى. ەرتىس وزەنىنىڭ بەلايا، پودستەپكا، تەپلايا، تۇلكى، كاراتۋن، تالينكا جانە ورلوۆكا سياقتى تارماقتارىن وڭدەۋ ءۇشىن قوسىمشا 15 موتورلى قايىق تارتىلادى.
وڭىرگە قاجەتتى پرەپاراتتاردىڭ بارلىق كولەمى جەتكىزىلدى: بيولوگيالىق - 182 مىڭ ك گ جانە حيميالىق - 14,6 مىڭ ليتر. 293 مىڭ ليتر بيوپرەپاراتتىڭ جۇمىس سۋسپەنزياسى دايىندالدى.
9 - ساۋىردەن باستاپ ۋاقىتشا سۋ ايدىندارىن جەردەن وڭدەۋ باستالعان. سونىمەن قاتار جەرتولەلەردى دەزينسەكسيالاۋ جالعاسىپ جاتىر.
ەسكە سالا كەتەيىك، بيىل پاۆلوداردا شىبىن- شىركەيگە قارسى 172 مىڭ گەكتار القاپ وڭدەلەدى.