باسپا ءسوز قىزمەتىنىڭ مالىمەتتەرىنە قاراعاندا، 21 ميلليون تەڭگەدەن استام سوماعا 9,5 مىڭنان استام ۆاكسينانى ءتيىمسىز پايدالانۋ فاكتىلەرى انىقتالدى.
اتاپ ايتقاندا، دەنساۋلىق ساقتاۋ باسقارماسىنىڭ ورتالىقتاندىرىلعان ساقتاۋ قويماسىنان ءدارى-دارمەكتەر ءوتىپ كەتكەن جارامدىلىق مەرزىمىمەن مەديتسينالىق مەكەمەلەرگە جىبەرىلگەن.
پاۆلودار ەمحانالارىنىڭ بىرىنە «پەنتاكسيمنىڭ» 135 دوزاسى پرەپاراتتىڭ قولدانىلۋ مەرزىمى اياقتالعان كۇنى بەرىلدى.
تاعى ءبىر جاعدايدا مەرزىمى وتكەن پرەپاراتتارمەن 2 بالا ۆاكتسيناتسيالانعان.
قارسى تەكسەرۋدە كامەلەتكە تولماعانداردى قىزىلشاعا قارسى جالعان ۆاكسيناتسيالاۋ فاكتىلەرى انىقتالدى.
«وبلىس پروكۋراتۋراسى قابىلداعان شارالار بويىنشا جارامسىز پرەپاراتتار جويىلدى، كىنالى ادامدار جاۋاپتىلىققا تارتىلدى»، - دەلىنگەن پاۆلودار وبلىسىنىڭ پروكۋراتۋراسى تاراتقان مالىمەتتەردە.