پاۆلودار. KAZINFORM - پاۆلودار وبلىسىندا ەكى جاس ءوسپىرىم كولگە باتىپ كەتتى. اعايىندىلار - 11 جانە 13 جاستا. سونداي-اق پاۆلودارداعى ورتالىق جاعاجايعا شومىلۋعا بارعان ستۋدەنتتىڭ دەنەسى سۋ استىندا قالدى. جاس جىگىتتى ىزدەۋ جۇمىستارى ءالى جالعاسىپ جاتىر.
قايعىلى وقيعا تۇنگى ساعات ءبىردىڭ شاماسىندا تورايعىر كولىندە بولعان.
- 28-ماۋسىم كۇنى ساعات 00:58 دە تورايعىر كولىندە 2011 جانە 2013-جىلى تۋعان اعايىندى ەكى جىگىت سۋعا تۇسۋگە تىيىم سالىنعان جەردە سۋعا باتىپ كەتتى. 2013-جىلى تۋعان جاس ءوسپىرىمنىڭ دەنەسى سۋدان شىعارىلدى، - دەپ حابارلادى وبلىستىق توتەنشە جاعدايلار دەپارتامەنتى.
ءتورت ساعاتتان كەيىن قۇتقارۋشىلار ەكىنشى بالانىڭ دەنەسىن تاپتى. قالانىڭ ورتالىق جاعاجايىندا سۋعا باتىپ كەتكەن جاس جىگىتتى ىزدەۋ جۇمىستارى ءالى جالعاسىپ جاتىر.
- جاس جىگىتتى ىزدەۋگە 10 قۇتقارۋشى مەن 4 سۋ كولىگى جۇمىلدىرىلدى، - دەپ جازدى وڭىرلىك توتەنشە جاعدايلار دەپارتامەنتى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.