پاۆلودار وبلىسىندا 2 مىڭعا جۋىق مال يەسى جاۋاپكەرشىلىككە تارتىلدى

پاۆلودار. KAZINFORM - ەرتىس-بايان ءوڭىرىنىڭ پوليتسەيلەرى قاراۋسىز جايىلاتىن ءۇي جانۋارلارى جول-كولىك اپاتتارىنا ءجيى سەبەپشى بولاتىنىن ەسكەرتىپ وتىر. جايىلىم ەرەجەلەرىن ساقتاماعان مال يەلەرىنە قوماقتى ايىپپۇل سالىنادى.

ق ر اكىمشىلىك قۇقىق بۇزۋشىلىق تۋرالى كودەكستىڭ 408-بابىنا سۇيەنسەك، جايىلىم ەرەجەلەرىن ساقتاماعان تۇرعىندارعا 3 ايلىق ەسەپتىك كورسەتكىش مولشەرىندە ايىپپۇل سالىنادى. ال باعۋسىز مالدىڭ كەسىرىنەن جەكە تۇلعالاردىڭ مۇلكىنە شىعىن كەلتىرىلسە، ايىپپۇل مولشەرى 10 ايلىق ەسەپتىك كورسەتكىشكە دەيىن وسەدى.

مال يەلەرى وسىنداي جاۋاپكەرشىلىكتىڭ بارىن بىلسە دە، كوپ جاعدايدا ءتورت تۇلىگىن قاراۋسىز قويا بەرەدى.

«قاراۋسىز جايىلعان جانە جول بويىندا جۇرگەن ءۇي جانۋارلارى ءبىزدىڭ وڭىردەگى وزەكتى ماسەلەلەردىڭ ءبىرى. جانۋارلار كۇندىز دە، تۇندە دە جولداردا كەدەرگىسىز جۇرەدى. ماسەلەن پوليتسياعا رەبروۆ اۋىلىنىڭ جانىنداعى رۋسسكايا پوليانا-اتامەكەن اۆتوجولىنىڭ ءجۇرىس بولىگىندە جىلقىلاردىڭ يەسىز جۇرگەنى، سالدارىنان اپاتتىق جاعداي تۋعىزعانى تۋرالى حابارلاما كەلىپ ءتۇستى. پوليتسيا جىلقىلارجىڭ يەسىن انىقتاپ، جاۋاپقا تارتتى. مال ايىپپۇل تۇراعىنا ايدالدى»، - دەپ حابارلادى پاۆلودار وبلىسىنىڭ پوليتسيا دەپارتامەنتى.

جىل باسىنان ءتارتىپ ساقشىلارى جايىلىم ەرەجەلەرىن ساقتاماعان 1924 تۇرعىندى جاۋاپقا تارتقان.

ەسكە سالا كەتەيىك، قازاقستاندا جىل باسىنان بەرى جول اپاتىنان 2077 ادام مەرت بولدى.

اۆتور

مۇرات اياعان