پاۆلودار. KAZINFORM - پاۆلودار وبلىسىنىڭ پروكۋراتۋراسى ەكىباستۇزداعى № 2 م ا ە س كورپوراتيۆتىك تابىس سالىعىنان جالتارىپ كەلگەنىن انىقتادى. قازىرگى كۇنى ءتيىستى ءوندىرۋ شارالارى قابىلداندى. بۇل تۋرالى پاۆلودار وبلىسىنىڭ پروكۋراتۋراسى حابارلادى.
«پاۆلودار وبلىسىنىڭ پروكۋراتۋراسى جۇرگىزگەن تەكسەرىس ناتيجەسىندە ەكىباستۇز № 2 م ا ە س كاسىپورنىنىڭ بيۋدجەتكە 640 ميلليون تەڭگەدەن استام سالىقتى تولەۋ جونىندەگى مىندەتتەرىن ورىنداماۋ فاكتىسى انىقتالدى. قاداعالاۋ اكتىسى بويىنشا سالىق تولەۋشىگە قاتىستى ءتيىستى ءوندىرۋ شارالارى قابىلداندى. ناتيجەسىندە اتالعان ستانسا جوعارىدا كورسەتىلگەن سوماداعى كورپوراتيۆتىك تابىس سالىعىن بيۋدجەتكە تولەدى»، - دەپ مالىمدەدى پروكۋراتۋرادان.
ەسكە سالا كەتەيىك، بۇعان دەيىن پروكۋرورلار ەرتىس-بايان وڭىرىندە 210 مىڭ گەكتار جەر زاڭسىز بەرىلگەنىن انىقتادى.
اۆتور
مۇرات اياعان
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан