پاۆلودار وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ مالىمەتىنشە، وقيعاعا قاتىستى سوتقا دەيىنگى تەرگەۋ باستالىپ، ونىڭ بارىسى باقىلاۋعا الىنعان. تەرگەۋ اياسىندا بەينەباقىلاۋ كامەرالارىنىڭ جازبالارى دا قاراستىرىلىپ جاتىر.
- الدىن الا انىقتالعانداي، كامەلەتكە تولماعان قىزعا جىنىستىق سيپاتتاعى قىلمىس جاساعانى ءۇشىن جازاسىن وتەپ جاتقان سوتتالعان ازامات تۇزەۋ مەكەمەسىندە اسىلىپ، وزىنە قول جۇمساعان، - دەپ حابارلادى پاۆلودار وبلىسى بويىنشا قىلمىستىق-اتقارۋ جۇيەسى دەپارتامەنتى.
جىگىت ءساۋىر ايىندا 16 جاسقا تولماعان اداممەن جىنىستىق قاتىناسقا تۇسكەنى ءۇشىن كىنالى دەپ تانىلىپ، پاۆلودارداعى تۇزەۋ مەكەمەسىنە قامالعان. تەرگەۋ مالىمەتىنشە، 19 جاستاعى جىگىت پەن 15 جاستاعى قىز ءوزارا كەلىسىممەن بىرنەشە رەت جىنىستىق قاتىناسقا تۇسكەن. بۇل جاعدايدان قىزدىڭ اناسى حاباردار بولعان سوڭ، پوليتسياعا ارىزدانعان. وسىدان كەيىن اتالعان دەرەك بويىنشا قىلمىستىق ءىس قوزعالعان.
بۇعان دەيىن ايجان ايماعانوۆا زورلىق-زومبىلىققا توسقاۋىل قويۋدىڭ جاڭا تەتىگىن ۇسىنعانىن حابارلاعانبىز.