التىننىڭ باعاسى رەكوردتىق كورسەتكىشكە جەتتى

استانا. قازاقپارات  - Comex بيرجاسىندا (نيۋ-يورك تاۋار بيرجاسىنىڭ بولىمشەسى) 2025 -جىلدىڭ ماۋسىم ايىندا جەتكىزىلەتىن التىن فيۋچەرستەرىنىڭ باعاسى ءوزىنىڭ تاريحي ماكسيمۋمىن جاڭارتىپ، ءبىر تروي ۋنتسياسى ءۇشىن $3250 بەلگىسىنەن جوعارىلادى.

 بۇل تۋرالى ساۋدا الاڭىنىڭ دەرەكتەرىنە سۇيەنىپ وتىرىپ تاسس اگەنتتىگى جازدى.

استانا ۋاقىتىمەن 15:13-تەگى جاعداي بويىنشا باعالى مەتالدىڭ باعاسى %0,44- عا كوتەرىلىپ، ءبىر ترويا ۋنسياسى ءۇشىن 3251,9 دوللارعا جەتتى. ساعات 15:28-دە التىن باعاسى ءبىر ۋنسيا ءۇشىن 3248,8 دوللارعا دەيىن (%0,35+) ءوسۋىن باسەڭدەتتى.

بۇل رەتتە لوندوننىڭ ICE بيرجاسىندا 2025 -جىلدىڭ ماۋسىم ايىندا جەتكىزىلەتىن Brent ماركالى مۇناي فيۋچەرستەرىنىڭ باعاسى باررەلىنە %0,8- عا ءوسىپ، $63,91- دەن اسىپ جىعىلدى. وسى جىلدىڭ مامىر ايىندا جەتكىزىلەتىن WTI ماركالى مۇناي فيۋچەرستەرىنىڭ باعاسى %1,47- عا ءوسىپ، باررەلىنە 60,67 دوللار بولدى.