التىن وردا داۋىرىندە جەرلەنگەن حانداردىڭ زيراتى تابىلدى

استانا. قازاقپارات - تاتارستاندا ارحەولوگتار التىن وردا داۋىرىندە جەرلەنگەن حانداردىڭ زيراتىن تاپتى. استراحان وبلىسىنداعى ءتورت ءىرى كەسەنەدە بەركە، وزبەك، جانىبەك جانە بەردىبەك حاندار جەرلەنگەن.

ارحەولوگتاردىڭ ايتۋىنا قاراعاندا تاريحي قۇندىلىعى بويىنشا بۇل نىساندى لۋكسورداعى پاتشالار قورىمىمەن، قىتايداعى چين شىحۋاڭدي قابىرىمەن سالىستىرۋعا بولادى. كەشەن اق ساراي قالاشىعى دەپ اتالاتىن ورتاعاسىرلىق قونىسى بار قيراعان عيماراتتاردىڭ قالدىقتارىنان تۇرادى. عالىمدار بۇل قورىمعا مۇراجاي مارتەبەسىن بەرۋدى ۇسىندى.

ايتا كەتەيىك، حازار قاعاناتى داۋىرىنەن باستاپ التىن ورداعا دەيىنگى ەلدى مەكەندەردى زەرتتەۋ بويىنشا تاتارستان ارحەولوگتارى 20 جىلعا جۋىق ۋاقىت بويى زەرتتەۋ جۇمىستارىن جۇرگىزىپ كەلەدى.

24.kz