كۇننىڭ بۇزىلۋىنا بايلانىستى جەتىسۋ وبلىسىنا قاراستى كەربۇلاق اۋدانىنداعى جولدىڭ ءبىر بولىگىنە ۋاقىتشا شەكتەۋ قويىلدى. وبلىستىق توتەنشە جاعدايلار دەپارتامەنتىنىڭ وكىلدەرى وبلىس اۋماعىندا ساپاردا جۇرگەندەرگە جولدا ساقتىق ەرەجەلەرىن مۇقيات ساقتاۋدى ەسكەرتتى.
- 2025 -جىلى 22- قاڭتار ساعات 18:00 دەن باستاپ كۇننىڭ بۇزىلۋىنا بايلانىستى (قار، بوران، جولدىڭ كورىنبەۋى) رەسپۋبليكالىق ماڭىزى بار «سارى وزەك- كوكتال» تاسجولىنىڭ 40-68 شاقىرىمى (التىن ەمەل اسۋى) ۋچاسكەسىندە اۋىر جۇك كولىكتەرى مەن قوعامدىق كولىكتەر ءۇشىن قوزعالىسقا شەكتەۋ ەنگىزىلدى، - دەلىنگەن حابارلامادا.
ەسكە سالايىق وسىعان دەيىن جەتىسۋدا تالدىقورعان- كولباي اۆتوجولىنا شەكتەۋ قويىلعانىن جانە «الماتى- وسكەمەن» اۆتوجولىنىڭ ءبىر بولىگىندە جول جابىلعانىن جازعانبىز.
اۆتور
ايبەك قۇتتىبەك