التى اي كۇتپەي-اق پاتەر الۋعا بولادى: وتباسى بانك جاڭا مەحانيزم ۇسىندى

ەندى باسپانا قۇنىنىڭ %50 ىن بىردەن شوتقا قۇيىپ، قالعان سوماعا ارالىق زاەم رەسىمدەۋ ارقىلى بىردەن پاتەر ساتىپ الۋعا بولادى.

بۇل جاڭا تەتىك 15-قازاننان باستاپ BI Group ،SAT NS جانە QazaqStroy قۇرىلىس حولدينگتەرىمەن بىرلەسە جۇزەگە اسىرىلادى. باستاپقى كەزەڭدە BI Group استانا، الماتى، شىمكەنت جانە اتىراۋ قالالارى بويىنشا 600 پاتەردى ساتىلىمعا شىعارماق.

نەسيەنىڭ باستاپقى مولشەرلەمەسى - %8,5، كەيىننەن بۇل كورسەتكىش %3,5- 5 عا دەيىن تومەندەيدى. باسپانا الۋ ءتارتىبى بويىنشا، ۇمىتكەر اۋەلى قۇرىلىس سالۋشىنىڭ ساتۋ بولىمىنەن پاتەر تاڭداپ، برون جاساۋى ءتيىس. برونداۋ تۋرالى راستاۋ قاعازىن العاننان كەيىن بانككە بارىپ، نەسيەنى راسىمدەيدى.

سونىمەن قاتار، بانك «ناۋرىز» باعدارلاماسىمەن ءوتىنىشى ماقۇلدانىپ، ءبىراق ءالى لايىقتى پاتەر تاپپاعان 2 مىڭعا جۋىق كليەنتكە بەرىلگەن مەرزىمدى 2026 -جىلدىڭ 30-جەلتوقسانىنا دەيىن سوزدى. ايتا كەتەيىك، بيىل اتالعان باعدارلامانىڭ يگىلىگىن كورىپ، 10 مىڭنان استام شاڭىراق قونىس تويىن تويلادى.