بەلگىلى بولعانداي، بيىل 19-قىركۇيەكتە اقتاۋ قالاسىنىڭ 51 جاستاعى تۇرعىنى الەۋمەتتىك جەلىدەگى تىكەلەي ەفير كەزىندە ادەپسىز سوزدەر ايتىپ، قوعامدىق ءتارتىپتى بۇزعان جانە اينالاسىنداعىلارعا قۇرمەتسىزدىك تانىتقان.
پوليتسيا قىزمەتكەرلەرى ەر ادامنىڭ جەكە باسىن انىقتاپ، وعان قاتىستى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-بولىگى بويىنشا ۇساق بۇزاقىلىق دەرەگىمەن اكىمشىلىك ءىس قوزعادى. سوت شەشىمىمەن ەر ادام كىنالى دەپ تانىلىپ، 5 تاۋلىككە اكىمشىلىك قاماققا الۋ جازاسى تاعايىندالدى.
ماڭعىستاۋ وبلىسىنىڭ پوليتسيا دەپارتامەنتى الەۋمەتتىك جەلىلەردە دە ءاربىر ازامات زاڭ تالاپتارىن ساقتاۋعا مىندەتتى ەكەنىن ەسكە سالادى. تىكەلەي ەفير كەزىندە دە بالاعات سوزدەر ايتىپ، قوعامدىق ءتارتىپتى بۇزۋ زاڭناماعا سايكەس جاۋاپكەرشىلىككە اكەپ سوعادى.
پوليتسيا ازاماتتاردى كۇندەلىكتى ومىردە دە، ينتەرنەت كەڭىستىگىندە دە ادەپ نورمالارىن ساقتاپ، وزگەلەرگە قۇرمەتپەن قاراۋعا شاقىرادى.
سونداي-اق، جەلىدە بالاعات سوزدەر ايتقان سەمەي تۇرعىنىنا ايىپپۇل سالىندى.
پوليتسەيلەر الەۋمەتتىك جەلىلەرگە مونيتورينگ جۇرگىزۋ بارىسىندا TikTok-تاعى تىكەلەي ەفيردە بالاعات ءسوز ايتقان ايەلدى انىقتادى. ول سەمەي قالاسىنىڭ 38 جاستاعى تۇرعىنى اسەم سادىكوۆا بولىپ شىقتى.
16-قاراشادا ونىڭ ارەكەتى سوتتا قارالىپ، 83 مىڭ تەڭگە ايىپپۇل سالىندى. جازا تاعايىنداۋ كەزىندە سوت ايەلدىڭ كامەلەتكە تولماعان بالالاردى تاربيەلەپ وتىرعانىن ەسكەردى.
پوليتسيا الەۋمەتتىك جەلىلەردە دە قوعامدىق ءتارتىپ پەن ادەپ نورمالارىن ساقتاۋ قاجەتتىگىن ەسكەرتەدى. تىكەلەي ەفير كەزىندە بالاعات سوزدەر ايتىپ، قوعامدىق ءتارتىپتى بۇزۋ زاڭ اياسىندا جاۋاپكەرشىلىككە اكەپ سوعۋى مۇمكىن.